Skender Destani: Trupi Koordinues ka bërë mjaft për jugun e Serbisë deri më vitin 2003

Preshevë, 17 tetor (presheva.com) - Kryetari i Bashkimit Demokratik për Luginën (BDL), Skender Destani, përfaqësuesit e së cilës, krahas Partisë për Veprim Demokratik (PVD) janë përfshirë në punën e Trupit Koordinues për jugun e Serbisë ka deklaruar dje se për momentin “përfaqësuesit e BDL nuk janë të gatshëm që ta lëshojnë Trupin Kooordinues”. Destani këtë ia ka deklaruar agjencisë « Beta » duke reaguar ndaj paralajmërimit të kryetarit të PVD-së dhe prefektit të Preshevës, Riza Halimi se përfaqësuesit e kësaj partie do ta lëshojnë këtë Trup, sepse partia nuk është e kënaqur me punën e tij. “Përfaqësuesit e inkuadruar në këtë Trup Koordinues nuk janë të kënaqur me punën e këtij organi të shtetit, por nuk duhet harruar se ky organ shtetëror ka bërë mjaft për jugun e Serbisë, veçmas në periudhën prej vitit 2001 e deri më vitin 2003”,  ka thënë Destani.