Shaip Kamberi: Mbetet të shihet se si do të reagojnë subjektet politike shqiptare pas shkarkimit të Çoviqit

Bujanoc, 26 gusht (presheva.com) – Shefi i grupit të këshilltarëve të Partisë për Veprim Demokratik në Kuvendin Komunal të Bujanocit, Shaip Kamberi ka deklaruar se ekziston frika se pas shkarkimit të Nebojsha Çoviqit, tani në radhë është Trupit Kooordinues. « Vërtetë nuk e di se si do të reagojnë subjektet politike shqiptare që janë inkuadruar në Trupin Kooordinues, por ata kanë sigurisht të drejtë që të informohen se cili do të jetë fati i këtij organi », ka deklaruar të premten Shaip Kamberi për RTV B92. Qeveria e Serbisë e ka shkarkuar të enjten Nebojsha Çoviqin nga funksioni i kryetarit të Trupit Koordinues për Preshevë, Bujanoc dhe Medvegjë për shkak se deputetët e Partisë Socialdemokrate, kryetar i së cilës është Çoviqi, votuan kundër pezullimit të ligjit mbi Industrinë e Naftës së Serbisë (NIS) në parlamentin republikan.