Qeveria e Serbisë shkarkoi Nebojsha Çoviqin – Rasim Lajiqi emërohet kryetar i Trupit Kooordinues për jugun e Serbisë?

Beograd, 25 gusht (presheva.com) -  Qeveria e Serbisë e ka shkarkuar  të enjten Nebojsha Çoviqin nga funksioni i kryetarit të Trupit Koordinues për Preshevë, Bujanoc dhe Medvegjë, si dhe nga funksioni i kryetarit të « Qendrës Kooordinuese për Kosovë dhe Metohi », kanë njoftuar mediat në gjuhën serbe. Qeveria e Serbisë e miratoi këtë vendim pasi që deputetët e Partisë Socialdemokrate, kryetar i së cilës është Çoviqi, votuan kundër pezullimit të ligjit mbi Industrinë e Naftës së Serbisë (NIS) në parlamentin republikan. Ministri për Ekonomi i Republikës së Serbisë, Predrag Bubalo ka bërë të ditur se shkarimi i Çoviqit hynë menjëherë në fuqi. Sipas RTV B92, ka shumë gjasa që Qeveria e Serbisë do ta emërojë së shpejti Rasim Lajiqin për kryetar të ri të Trupit Koordinues për Preshevë, Bujanoc dhe Medvegjë.