Tadiqi dhe Koshtunica do të marrin pjesë në mbledhjen konstituive të Trupit Koordinues për jugun e Serbisë

Beograd, 21 maj (presheva.com) - Kryetari dhe Kryeministri i Republikës së Serbisë, Boris Tadiqi dhe Vojisllav Koshtunica do të marrin pjesë në mbledhjen konstituive të Trupit Koordinues për Preshevë, Bujanoc dhe Medvegjë, e cila do të mbahet në fillim të muajit të ardhshëm, ka njoftuar "Qendra Koordinuese për Kosovën dhe Metohinë". Sipas agjencisë "Beta", dy krerët serbë e kanë pranuar pjesëmarrjen në këtë mbledhje konstituive me propozimin të kryetarit të Trupit Koordinues për jugun e Serbisë, Nebojsha Çoviqit.