Pakënaqësi me dinamikën e punës së trupit koordinues

Kryesia e Trupit Koordinues për Preshevë, Bujanoc e Medvegjë mbajti sot mbledhjen e vet të rregullt në Press Qendrën në Bujanoc. Mbledhjen e udhëhoqi kryetari i Trupit Koordinues, Rasim Lajiq. Në punën e saj morën pjesë nënkryetarët e Trupit Koordinues, koordinatori i ekipit të ekspertëve, udhëheqësit e grupeve Koordinuese, si dhe përfaqësuesit e Ambasadës Amerikane dhe të asaj të Bashkimit Evropian në Beograd, Misionit Monitorues të Unionit Evropian, të Programit për Zhvillim të Kombeve të Bashkuara dhe të Departamentit për Zhvillim Ndërkombëtar. Anëtarët prezent diskutuan për punën e deritashme të Trupit Koordinues dhe për detyrat e prioritetet e tij për periudhën e ardhshme. Sipas kryetarit të Bashkimit Demokratik të Luginës, Skender Destani në seancën e sotme është diskutuar për problemet në Shtëpinë e Shëndetit në Preshevë, me theks të veçant për nostrifikimin e diplomave të mjekëve. Poashtu gjatë ditës së sotme u diskutua edhe për hapjen në vendkalimeve kufitare që shtrihen në teritorin e komunës së Preshevës. Zoti Destani shprehu pakënaqësinë e tijë lidhur me funksionimin e Trupit Koordinues pasiqë ky trup nuk e ka dinamikën e funksionimit të paraparë.

(rtv presheva)