Përfaqësuesit Shqiptar kyçen në kryesinë e trupit bashkrendues

Bujanoc, 29 qershor (presheva.com) - Trupi Koordinues për Preshevë, Bujanoc dhe Medvegjë sot mbajti seancën e konstituimit të kryesisë së këtij institucioni ku në mënyrë zyrtare sot janë kyçur edhe përfaqësuesit e shqiptarëve të Luginës së Preshevës.
Kryetari i Preshevës Riza Halimi i cili në të ardhmen do të jetë nënkryetarë i Trupit Bashkërendues, para të pranishmiv u shpreh se, “është e njohur se diskriminimi dhe represioni shumëvjeçarë i Millosheviqit ka nxitur këtu konfliktet e armatosura të cilat janë ndërprerë pas nënshkrimit të marveshjes për demilitarizim në maj të vitit 2001”.
Halimi gjithashtu përmendi se objektivat më të rëndësishme deri tani nuk janë realizuar, ose janë realizuar pjesërisht sepse gjatë jetësimit të tyre nganjëher janë paraqitur pengesa nga strukturat shtetërore të pareformuara.
Rekonstruimi dhe riaktivizimi i Trupit Koordinues, tha Halimi, “pas një pause njëvjeçare krijon parakushtet e domosdoshme për një proces më të shpejt politik, pasi që përmes grupeve kordinuese në raste të shumta janë inkuadruar përfaqësues të ministrive gjegjëse, atyre të organizatave ndërkombëtare dhe ekspertë të vetqeverisjes lokale”.
Nga ana tjetër kryetari i komunës së Bujanocit Nagip Arifi, në të ardhmën nënkryetarë i Trupit Koordinues u shpreh se, “biseduam për projektet prioritare në komunën e Bujanocit, dhe kërkuam që të hapet një zonë e lirë doganore, pasi që Bujanoci është afër Kosovës, Maqedonisë dhe Bullgarisë”.
Gjatë këtij takimi kryetari Arifi kërkoi edhe ndërtimin e shkollës së mesme si prioritet në komunën e Bujanocit.
Vlenë të theksohet se sot në buxhetin komunal kanë arritur mjetet për t’u bërë projekti kryesorë i ndërtimit të kësaj shkolle, dhe pritet që së shpejti të fillojë projekti.
Komuna e Bujanocit ka bërë edhe aprovimin e planit të infrastrukturës për vitin 2005 i cili është aprovuar në asamblenë komunale.
Sëbashku me donatorët e huaj këtë vit janë lejuar të realizohen 22 projekte të cilët pritet që të fillojnë së shpejti, me çka edhe është vërtetuar marja e mjeteve prej 200 mijë eurove nga Trupi Bashkrendues të cilat kanë arritur sot në buxhetin komunal.
Gjatë katij takimi udhëheqësit shtetëror serb para ndërkombëtarëve u zotuan se do ti përkrahin të gjitha projektet politike dhe ekonomike që shprehin rrespektin e standardeve Evropiane Gjatë këtij takimi kanë marë pjesë edhe ambasadorët e shteteve të akredituara në Beograd, si ambasadori i SHBA-ve, i Holandës, Norvegjisë dhe të tjerë.
Ambasadori I OSBE-së për SMZ, Mauricio Masari, tha se trupi I ri bashkrenduaes me pjesmarjen e plotë dhe aktive të përfaqësuesve shqiptarë, do të ndihmojnë shpejtimin e përparimit të politikave stabilizuese.
Në mars të këtij viti partitë politike shqiptare e kanë nënshkruar deklaratën e përbashkët për kyçjen në trupin e rekonstruar kordinues.

Mukarrem Ahmeti