Kryeministri Çeku fton shqiptarët e Luginës së Preshevës të marrin pjesë në zgjedhjet e Janarit

PRISHTINË – Kryeministri i Kosovës Agim Ceku i ka ftuar të mërkurën përfaqësuesit e partive politike të shqiptarëve nga jugu i Serbisë që të marrin pjesë në zgjedhjet parlamentare më 21 janar. “Duhet të merrni pjesë në të gjitha proceset të cilat i ndihmojnë demokracisë, duke llogaritu edhe zgjedhjet të cilat mbahen në Janar”, ka thënë Çeku pas takimit me kryetarin e Lëvizjes për Progres Demokratik (LPD), Jonuz Musliu. Në kumtesën nga kabineti i Çekut thuhet se Musliu e ka njoftuar kryeministrin e Kosovës lidhur me rrjedhat aktuale në jug të Serbisë ku, siç theksohet “shqiptarët ballafaqohen me problemet e shumta dhe nuk mund ti realizojnë të gjitha të drejtat demokratike në bazë të konventave ndërkombëtare”. Në takim është thënë se Beogradi zyrtar nuk ka bërë sa duhet që bashkësisë shqiptare në Luginën e Preshevës ti mundëson mjedis demokratik që të ndihen qytetarë të barabartë”, thuhet në kumtesë.

(Beta)