Janjiq: Pas dorëheqjes së Lajiqit, situata do të përkeqësohet në jug të Serbisë

Beograd, 13 prill (presheva.com) – Drejtori i Forumit për Marrëdhënie Etnike, Dushan Janjiqi ka vlerësuar për të përditshmen “Blic” se ka “shpërthyer” Trupi Koordinues pas dorëheqjeve të Rasim Lajiqit dhe Dushan Spasojeviqit.  “Por problemi më i madh është se po shpërthen jugu i Serbisë dhe që Qeveria e Serbisë po e humb kontrollin ndaj këtij rajoni”, ka thënë ai. Janjiqi ka shtuar se pas dorëheqjes së Lajiqit, situata do të përkeqësohet në jug të Serbisë si në aspektin e sigurisë ashtu edhe në atë politik.