Lajiq: Tërhiqem nga Trupi Koordinues për shkak se nuk e gëzoj besimin e Qeverisë së Serbisë
 

Beograd, 11 prill (presheva.com) - Ministri për të Drejtat e Njeriut e të Minoriteteve i SMZ-së, Rasim Lajiqi ka dhënë të martën zyrtarisht dorëheqje nga posti i kryetarit të Trupit Koordinues për jug të Serbisë. Në një konferencë për gazetarë, Lajiqi ka thënë se e ka dhënë dorëheqjen për shkak të pakënaqësisë ndaj vendimit të Qeverisë së Serbisë për futjen e masave të jashtëzakonshme në Komunën e Novi Pazarit. Lajiqi, ndryshe kryetar i Partisë Demokratike të Sanxhakut - parti kryesore në Kuvendin Komunal të Novi Pazarit - ka thënë se po e jep dorëheqjen për shkak se “nuk e gëzon besimin e Qeverisë së Serbisë”.