Lajiq: Për pesë vjet, pesë miliardë dinarë për jugun e Serbisë nga Qeveria e Serbisë

Banja e Siharinës, 6 qershor (presheva.com) – Kryetari në dorëheqje i Trupit Koordinues për Preshevë, Bujanoc dhe Medvegjë; Rasim Lajiqi ka deklaruar se në këto pesë vitet e fundit, Qeveria e Republikës së Serbisë ka investuar pesë miliardë dinarë për zhvillimin e jugut të Serbisë. “Qeveria e Serbisë nuk e ka harruar jugun e Serbisë”, ka pohuar Lajiqi gjatë përurimit të hapjes së basenit me ujë termik të Banjës së Siharinës. Ai ka thënë se shumë gjëra nuk do të ishin bërë në jugun e Serbisë po të mos kishte qenë ish-kryetari i Trupit Koordinues, Nebojsha Çoviqi.