Shqiptarët e Luginës së Preshevës pa vendim për pjesëmarrje në zgjedhje

(Bujanoc, 23 nëntor - presheva.com) - Në organizim të shefit të misionit të OSBE-s për Luginë të Preshevës Martin Bruks, mbrëmjen e së mërkurës në Bujanoc është mbajtur një takim i përbashkët i të gjitha subjekteve politike shqiptare që veprojnë në Luginë të Preshevës, ku temë boshte ishte shqyrtimi i mundësisë dhe marrja e vendimit për pjesëmarrje të shqiptarëve në zgjedhjet parlamentare të Serbisë, të organizuara për 21 janar të vitit 2007. Në këtë takim, sipas liderëve politikë nuk është marrë vendim i prerë të dilet apo jo në këto zgjedhje si dhe është shqyrtuar pozita e shqiptarëve në këtë rajon.

Sipas tyre është konstatuar se, nëse shqiptarët dalin në zgjedhje do të kenë mundësinë e fitimit të dy deputetëve shqiptarë nga Lugina e Preshevës, meqë për një deputet republikan janë të nevojshme mbi 12 vota, që shqiptarët e tri komunave do të mund ti tubojnë dhe në këtë mënyrë edhe në parlamentin serb ti mbrojnë interesat e tyre. Sido që të jetë,vendimi definitiv do të merret në fund të kësaj jave, pasi që çdo parti do të deklarohet për ose kundër pjesëmarrjes në zgjedhje.