Partia Demokratike Shqiptare
Preshevë

Në mbledhjen e përbashkët të Kryesisë së përgjithshme të Partisë Demokratike Shqiptare me kryesinë e degës në Bujanoc,  ku u bisedua rreth situatës aktuale politike  dhe të sigurisë, PDSH për media sjell këtë:

KOMUNIKATË 

Në këtë periudhë Lugina e Preshevës ballafaqohet me shumë rethana të ndryshme politike edhe ate :

·     Bisedimet shqiptaro-serbe, Prishtinë-Beograd,

·     Koncentrimi dhe sjellja e xhandarmërisë dhe ushtrisë serbo-malazeze në Luginë të Preshevës,

·     Burgosja dhe gjykimet politike të të rinjëve shqiptarë, e sidomos ish-ushtarëve të UÇPMB-së,

·     Raportet e institucioneve dhe partive politike të Luginës së Preshevës me organet qeveritare nga njëra anë e nga ana tjetër me institucionet e Kosovës, Maqedonisë dhe Shqipërisë.

- Në këtë drejtim PDSH mbështet bisedimet Prishtinë-Beograd, duke u përpjekur që problemet e pakicave kombëtare dhe lidhjen e tyre me shtetin amë, të ngritet në nivel regjional: Maqedoni, Serbi, Bosnje e Hercegovinë dhe Kosovë.

- PDSH kërkon tërheqjen e menjëhershme të xhandarmërisë dhe ushtrisë serbe, ku kujdesin për siguri në këtë rajon ta merr policia lokale, me ç’rast do të krijoheshin kushte për qarkullimin e lirë të njerëzve dhe zhvillimin ekonomik të rajonit. Ne rikujtojmë faktorin vendorë dhe ndërkombëtar se tërheqja e forcave ushtarake dhe policore speciale ka filluar nga vijat kufitare me Hungarinë e Rumaninë e kjo do të ishte konform mënyrës së ruajtjes së kufinjëve në shtetet e BE-së, me çka PDSH vlerëson se edhe në Luginë të Preshevës të fillojë tërheqja e forcave të këtilla ushtarako-policore , nëse ky shtet tenton të inkuadrohet në BE .

- PDSH konsideron se burgosjet politike i takojnë periudhës së errët komuniste e sidomos regjimit të Millosheviqit andaj kërkon ndërprerjen e menjëhershme të gjykimeve të montuara politike sipas arbitrit të gjygjeve të pa reformuara serbe .

- PDSH kërkon nga partitë politike shqiptare dhe institucionet e Kosovës, Maqedonisë dhe Shqipërisë, që në agjendën e tyre të mbajnë kontakte më të shpeshta me strukturat institucionale dhe politike të Luginës, nga se konsideron se do t’i kontribuoj stabilizimit dhe rjedhave pozitive të rajonit.          
 

Kryetari i PDSH-së
Në Preshevë
z.Ragmi Mustafa
Më: 18.03.2006