PVD merr pjesë në zgjedhjet parlamentare?

Preshevë , 22 nëntor (presheva.com) – Kryetari i Partisë për Veprim Demokratik (PVD), Riza Halimi ka shfaqur të mërkurën gatishmërinë që partia e tij të merr pjesë në zgjedhjet parlamentare të 21 janarit në Serbi, ka njoftuar agjencia “Beta”. Megjithatë Halimi ka thënë se ende po zhvillohen bisedimet për paraqitjen e përbashkët me partitë tjera të shqiptarëve. Sipas tij, dispozita ligjore se për hyrje në parlament partive të minoriteteve u nevojitet i ashtuquajturi prag natyror, krijon kushte plotësisht të pranueshme për pjesëmarrje në zgjedhjet parlamentare. "Për të pasur përfaqësues në parlamentin serb, komunitetit shqiptar i nevojiten tashti 13.000 deri në 14.000 vota për një deputet, që në krahasim me numrin e votuesve shqiptar nga Bujanoci, Presheva dhe Medvegja mund të thotë edhe dy mandate deputetësh”, ka deklaruar lideri i PVD-së.