Riza Halimi: Shqiptarët të marrin pjesë në hartimin e Kushtetutës së re 

Novi Sad, 18 prill (presheva.com) – Kryetari i Partisë për Veprim Demokratik (PVD), Riza Halimi ka thënë se shqiptarët e Luginës së Preshevës duhet patjetër të marrin pjesë në hartimin e Kushtetutës së re të Serbisë .  “Pakicat kombëtare në Serbi duhet patjetër të përfitojnë të drejta të caktuara, sipas parimeve që do t’i propozon bashkësia ndërkombëtare, sepse kjo do të kërkohet edhe për serbët në Kosovë”, ka thënë Halimi në një intervistë për të përditshmen vojvodinase “Gradjanski list”.  Duke vlerësuar se decentralizimi është një mënyrë e integrimit të pakicave, ai ka shtuar se po qe se kjo ngjan nuk do të ketë kurrfarë rrëfimi për ndryshim të kufijve dhe bashkim të jugut të Serbisë me Kosovën. Riza Halimi e ka kritikuar Qeverinë e Serbisë për shkak se nuk flet për problemet e qytetarëve të Luginës së Preshevës.