Surroi: Kosova do të mbështes çfarëdo vendimi të lidershipit politik shqiptar të Luginës së Preshevës rreth zgjedhjeve parlamentare serbe

Prishtinë, (presheva.com) - Kryetari i partisë reformiste « ORA » dhe anëtari i Grupit Negociator të Kosovës, Veton Surroi pas një takimi me udhëheqës politik nga Lugina e Preshevës ka deklaruar se Kosova e pavarur do të marrë obligimet e veta ndaj shqiptarëve të Luginës së Preshevës, ka njoftuar agjencia serbe « Tanjug ». Surroi me delegacionin nga Lugina e Preshevës ka biseduar edhe lidhur me pjesëmarrjen e partive politike shqiptare në zgjedhjet parlamentare në Serbi. Surroi ka deklaruar se politika kosovare do të përkrah cilindo vendim që lidershipi shqiptar i Luginës së Preshevës do të marrë në raport me pjesëmarrjen në zgjedhjet parlamentare edhe nëse ai do të ishte pro-pjesëmarrjes. Surroi ka thënë se këtë vendim duhet ta marrin përfaqësuesit politik shqiptar të Luginës së Preshevës.