Shqiptarët e Luginës së Preshevës kërkojnë të drejtat që do t’i kenë serbët në Kosovë

Udhëhqësitë e pushtetit lokal të Preshevës dhe të Bujanocit prefektët Ragmi Mustafa, Nagip Arifi, Skender Destani e Jonuz Musliu janë takuar me zv-shefin e misionit të OSBE-së për Serbi , Antoni Pahigien si dhe me shefin e zyrës së kësaj organizate për Luginë të Preshevës Martin Bruks. Në takim kanë biseduar për situatën politike dhe të sigurisë në rajon...
Pahigin ka deklaruar se në këtë rajon ka ardhur për t’u njoftuar për gjendjen në rajon si dhe për të vërtetuar për bashkëpunimin e pushteteve lokale me OSBE-në. Ndërkaq, prefekti i Preshevës Ragm Mustafa ka thënë se përfaqësuesit e OSBE-s i kemi njoftuar me të gjitha problemet që i preokupojnë shqiptarët e sidomos i prezantuam shqetësime sa i përket arsimit, shëndetësisë, sigurisë dhe qarkullimit të lirë të njerëzve në drejtim të Kosovës dhe të Maqedonisë, për mospërdorimin e lirë të gjuhës shqipe, për koncentrimin e madh të forcave serbe dhe të xhandarmerisë. Mustafa gjithashtu u deklarua për pavarësinë e Kosovës, duke shpalosur “verdiktin e popullit” të Luginës në Referendum e shqiptarëve të Luginës, platformën politike të shqiptarëve të Luginës për zgjidhjen e problemit. Prefekti Mustafa gjithashtu ka kërkuar që shkalla e realizimit të drejtave të shqiptarëve të jetë paralelisht me shkallën e të drejtave të serbëve të Kosovës së pavarur. (RTK)