Njoftim për Opinion!

Me organizim të shoqatave "VATRA" dhe ANATEMA", më 17 janar të vitit 2007, në ambientet e Institutit Albanologjik të Prishtinës, u mbajt Tryeza e Rumbullatkët lidhur me " Daljen apo Jo në zgjedhje parlamentare të Serbisë të 21 janarit 2007". Në debat morrën pjesë të gjithë pjesmarrësit: drejtues politikë të shumicës së partive politike të Luginës së Preshevës (PDSH, LPD, PDI, PDK, LKSH), të shoqatave dala nga lufta (veteranëve të UÇPMB-së); intelektualë e veprimtarë të shumtë nga Treva e Preshevës dhe Kosova. Pas diskutimeve dhe referateve të mbajtura, pjesmarrësit miratuan njëzëri këtë:

THIRRJE

Popullatës shqiptare të Luginës së Preshevës, që më datën e zgjedhjeve Parlamentare të Serbisë, të mos dalin në zgjedhje me të cilat kësaj treve shqiptare i është përgatitur fati i kobshëm për të ardhmën e saj.

Apelet për pjesmarrje në zgjedhje janë apele të atyre që kurrë nuk i kanë dhënë llogari popullit për veprimet dhe mosveprimet e tyre në emër të tij. Arsyetimet për dalje në zgjedhje janë jo vetëm mashtrim, por edhe demaskim i synimeve për ta legjitimuar pushtimin serb të kësaj treve, diktaturën dhe dhunën kundër popullatës shqiptare të kësaj treve etnike shqiptare, sa herë që t'i kërkojë të drejtat e tij të shkelura, brenda një sistemi okupator dhe diskriminues.

Mashtrimeve duhet dhënë fund. Këtë mund ta bëjë vetëm populli me BOJKOT dhe në krah të forcave më të vetëdijshme, liridashëse e demokratike të kombit, e jo të atyre që i shesin interesat e atdheut për interesa të përfitimeve personale.

BOJKOTI do të jetë lekcion për të gjithë shkelësit e demokracisë, të lirisë dhe vullnetit të popullit, për t'i hapë frymën dhe rrugën organizimit dhe procesit të ri demokratik mbi bazën e vullnetit të popullit, e jo të pushtuesit shekullor të trevave shqiptare.

Këshilli Organizativ,

Fatmir Arifi, moderator

Prishtinë, 17 janar 2007