Britania e Madhe përkrah fuqishëm subjektet politike shqiptare të Luginës së Preshevës për pjesmarrje në zgjedhjet parlamentare të Serbisë

12 janar, Preshevë - Britania e Madhe e ka përkrahur fuqishëm qëndrimin e njërës pjesë së subjekteve politike shqiptare të Luginës së Preshevës për pjesmarrje në zgjedhjet parlamentare të Serbisë, të parapara për 21 janar të këtij.
“ Participimi I shqiptarëve të Luginës në zgjedhjet që e presin Serbinë është I një rëndësie të madhe, ngase me këtë akt shqiptarët do të kontribuojnë në shpejtimin e proceseve, që t’I zgjidhin problemet e tyre “, tha ambasadori britanik, Stiven Uordsuorth, pas takimeve të zhvilluara me përfaqësuesit e subjekteve dhe institucioneve lokale të shqiptarëve.
“ Është shumë e rëndësishme që njerëzit e këtushëm të dalin dhe të votojnë në këto zgjedhje, në mënyrë që të sigurojnë një përfaqësim efektiv në paralamentin në Beograd ”.
Stiven Uordsuorth, i cili që para gjashtë javësh ka marrë postin e njeriut të parë të ambasdës britanike, tha se pikërisht Lugina e Preshevë për shkak të rëndësisë specifike që ka paraqet edhe vzitën e tij të parë në ndonjë rajon jashta kryeqytetit serb.
Nga ana tjetër, diplomati britanik e quajti gabim politik vendimin e pjesës tjetër të subjekteve të këtushme politike shqiptare për bojkotimin e zgjedhjeve parlamentare.Me bojkot nuk arrihet asgjë madje një gjë e tillë për shqiptarët do të thotë edhe një rrugë pa kthim, ka thenë ndër të tjera ambasadori I Britanisë së Madhe, Stiven Uordsuorth.
Për prefektin e Bujanocit, Nagip Arifi, përkrahja e pjesëmarrjes së shqiptarëve në zgjedhje e kumtuar nëpërmjet ambasadorit Uordsuorth për Luginën e Preshevës ka një domethënie të madhe.
Në zgjedhjet parlamentare serbe shqiptarët do të garojnë me dy subjekte politike, Partinë për Veprim Demokratik dhe Bashkimin Demokratik të Luginës të tubuara rreth Kooalicionit të Shqiptarëve. Ndërkohë, përveç Britanisë së Madhe një përkrahje të fuqishme pjesëmarrjes së shqiptarëve në zgjedhjet parlamentare I ka dhën edhe ambasada e SHBA-ve.

RTV Spektri