CESID : Parregullësi zgjedhore në komunën e Preshevës

Beograd, 22 janar (presheva.com)- Aktivistët e CeSid kanë vërejtur parregullësi gjatë zgjedhjeve parlamentare në komunën e Preshevës, ka deklaruar koordinatori i kësaj organizate për rrethin e Pçinjes, Miodrag Manasijeviqi. Sipas Manasijeviqit, në komunën e Preshevës është vërejtur se një person ka votuar pa dokumentacion të duhur dhe pa përdorimin e dritës UV. «Aktivistët tanë në vendvotimet 2, 3, 4 dhe 5 të cilat kanë qenë të vendosura në K.K. të Preshevës kanë regjistruar disa persona të cilët pa dokumente kanë votuar në katër vendvotimet » deklaroi Manasijeviqi duke shtuar se këto vërejtje do t’i dërgohen zyres qëndrore të CeSid. Sipas tij vëzhguesit e CeSid « për shkaqe sigurie » janë tërhequr nga komuna e Preshevës pas orës 17.