FRONTI PËR BASHKIM KOMBËTAR SHQIPTAR – FBKSH;
SEKRETARIATI VENDIMMARRËS I FBKSH- SË;
PROT. NR. 001 - 15 – 01 – 07 / AKT PUBLIK.
Tiranë, Prishtinë, Shkup, Tivar, Pazar i Ri, Toplicë dhe Prevezë.


FRONTI PËR BASHKIM KOMBËTAR SHQIPTAR (FBKSH)
APELON QË TË BOJKOTOHEN ZGJEDHJET E SERBISË

K O M U N I K A T Ë   P U B L I K E
 

     Dalja e rastësishme e ndonjë shqiptari në zgjedhjet e Serbisë, më 21 janar 2007, nga Fronti për Bashkim Kombëtar Shqiptar (FBKSH) dhe strukturat e tij,
do të cilësohet si një akt i papranueshëm!
     Dalja në zgjedhjet e një krijese shtetërore që mbanë në okupim pjesë të Atëmëmëdheut tend, do të thotë të pranosh pozitën e robit, do të thotë përdhosje dhe zhvlerësim i verdiktit të votës së shqiptarëve të Kosovës Lindore (Preshevës, Medvegjës dhe Bujanocit), të shprehur në Referendumin në  mars të vitit 1992, për ribashkimin e kësaj krahine shqiptare me Kosovën administrative!
     Dalja e shqiptarëve edhe në këto zgjedhjeve bashkë me ata, të cilët fushatat zgjedhore I zhvillojnë të rreshtuar prapa fotove të kriminelëve, parullave dhe këngëve për ëndrrën e tyre iluzore për Serbinë e Madhe, do të thotë të tradhëtosh interesat legjitime të popullit tend dhe të shklelësh mbi gjakun e djemve dhe vashave heroike që ranë për realizimin e këtyre interesave!
     Dalja e shqiptarëve në zgjedhjet e Serbisë, do të thotë edhe një argatllëk për besëpakët shqipfolës, të cilët si dje ashtu edhe sot po i lakmojnë karriget e Parlamentit të Beogradit; do të thotë sukses i atyre që lëpijnë sahanët nëpër tryezat e hasmit të kombit; do të thotë përmbyllje e suksesshme e propagandës së plangprishësve për manipulimin dhe mashktrimin e popullit shqiptar të kësaj Krahine të Shqipërisë Natyrale!

- 2 -

     Fronti për Bashkim Kombëtar Shqiptar (FBKSH), kërkon nga populli shqiptar i kësaj krahine të Shqipërisë Natyrale që të mos tolerojë të viktimizohet për hir të interesave meskine të atyre, të cilët, deri më tani janë dëshmuar dhe ridëshmuar, se nuk janë asgjë tjetër pos shërbëtorë të përulur të shovinizmit serbomadh!
     Prandej, FBKSH APELON, që populli shqiptar i kësaj pjese të Shqipërisë Natyrale, jo vetëm kësaj rradhe, por edhe në të ardhmen, t’i bojkotojë zgjedhjet e kolonizatorit serbo-cetnik, ashtu si dikur, në Kuvendin e Lidhjes Shqiptare të Prizrenit (1878), na këshillonte edhe atdhetari i shquar Riza (Hoxhë) Cërnica : “JO NJERKËS SERBI, PO NËNËS SHQIPËRI !”
     Fronti për Bashkim Kombëtar Shqiptar (FBKSH), edhe te populli i Sanxhakut, i cili po përmes referendumit të vitit 1992, Sanxhakun e ka shpallur Krahinë të Republikës së Kosovës (vullnet ky që jo vetëm duhet të riaktualizohet, por që duhet edhe të jetësohet sa më shpejt), APELON që gjithashtu t’i bojkotojë zgjedhjet e 21 janarit 2007, të cilat janë zgjedhje vetëm të Sërbisë, dhe që kursesi nuk janë zgjedhje të pjesëve të Shqipërisë Natyrale, që aktualisht janë nën pushtimin e kolonizimin serbomadh!

SEKRETARIATI  VENDIMMARRËS  I  KRYESISË  QENDRORE
TË FRONTIT PËR BASHKIM KOMBËTAR SHQIPTAR (FBKSH);

KRYETARI ,
Prof. Dr. Bashkim MITROVICA ( d. v. )

PUBLIKUAR NGA :
Zëdhënësi Politik I FBKSH-së,
Mr. Gafurr ADILI ( d. v. )
Tel. : 00355 (0) 692735656
E-mail : gafurradili@hotmail.com
Toplicë, 15 janar 2007.