Edhe në Luginë të Preshevës sot ka filluar heshtja parazgjedhore

Edhe në Luginë të Preshevës, sot ka filluar heshtja parazgjedhore për zgjedhjet parlamentare të Serbisë, që do të mbahen pasnesër.
Sipas Komisionit Zgjedhor Republikan të Preshevës, gjegjësisht të koordinatorit për komunën e Preshevës, Behlul Selimi, në këtë komunë janë të regjistruar 30500 votues me të drejtë vote, të cilët do të kenë mundësinë e votimit në 38 vendvotime në Preshevë. Ndërkaq në komunat e Bujanocit dhe të Medvegjës, këtë të drejtë do ta kenë 40.000 votues. Nga këta janë shqiptarë rreth 50.000. Selimi ka deklaruar se janë formuar edhe komisionet për përcjelljen e votimit, ku në të gjitha qendrat e votimit i kanë dërguar vëzhguesit e tyre, vetëm ato parti që marrin pjesë në zgjedhje, respektivisht Partia për Veprim Demokratik dhe Bashkimi Demokratik i Luginës, që janë shqiptarë. Merret vesh se janë caktuar vëzhgues shqiptarë edhe nga partia serbe G 17 Plus dhe Lidhja e Pensionistëve të Serbisë. www.rtklive.com