Konkluzionet e Kuvendit Komunal për Kompanin “Interpseed” pa kurrëfar vlere

Preshevë, 29 qershor - Pesë konkluzionet e miratuara në seancën e jashtëzakonshme të Asambles Komunale të Preshevës, që kishin për qëllim ndërprerjen e punimeve dhe hudhjen para drejtësisë të të gjithë atyre të cilët ishin përfshirë në komplotet e Kompanisë Interspeed, siç duket për këtë të fundit, nuk kanë rëndësi. Kjo kuptohet nga fakti se kryesit e punimeve as për herën e tretë nuk kanë dashur që të prononcohen për opinion. Ata nuk do mend se llogarisin shumë në vendimin e Minsitrisë Republikane për Investime Kapitale, I cili nuk do mend se është tejet gjysmakë, përderisa nuk plotësohet me dokumentacionin e nevojshëm I cili do të duhej të sigurohej në administratën komunale respektivisht në drejtoratin për urbanizëm.

Por kush është në fakt Interspeed, pse kjo kompani është lejuar që blejë tokat e shqiptarëve me një çmim diskriminues, pse nuk janë njohur me kohë biznismenët shqiptarë që të mund të blenin toka në Zonën Komerciale të shpallur që në 2002 nga Qeveria e Serbisë, sipas Planit Hapsinor.

Se kush është Interspeed, ditë më parë në një artikull ekskluziv të së përditshmes beogradase BLIC u tregua më së miri. Interspeed, është njëra nga kompanit e shumta të përfshira në aferën e kontrabandimit me duhan në Serbi. Aferë kjo e hulumtuar përmes aksionit “Rjeta” pjesë të raportit të së cilit në gazetën BLIC , janë shkruar nga publikimi I tyre në emsionin “Insajder”, të televizionit B 92. Sipas këtij raporti, bossi I kompanisë Interspeed është Petar Komljenoviç-biznismen serb, I cili aktivitetin e tijë e ka zhvilluar nën patronatin e Marko Millosheviqit I biri I ish diktatorit Sllobodan Millosheviq.

Veprimet tejet të mjegullta të kësaj kompanie tani po hetohen nga policija serbe.

Absurdi është edhe më I madhë dhe çështja mbetet tejet paradoksale për tu kuptuar, kur kihen parasysh faktet e sipërpermenduar. Përderisa Ministria e Punëve të Brendshme, bënë hetime ndaj një kompanie të përfshirë në një sërë kontrabandimesh për më se një dekad, nga ana tjetër Ministria për Investime Kpaitale, lëshon vendim për Ndërtim të Kompleksit Afaristo Tregtar mu në koridorin 10 të njëjtës kompani.

Tani, kur dy shtyllat kryesore të Komunës së Preshevës, janë dakorduar për angazhimin e tyre në ndalimin e punimve të mutëtjeshëme në ndërtimin e këtij kompleksi mbetet të shihet nëse do të mund të bëjnë një gjë të tillë. Por a do të mund të justifikohet para opnionit fakti I prolongimit dhe mostransparencës së organeve të caktuara të pushtetit local për tërë ate që solli deri në këtë masë këtë çështje,..



Baki Rexhepi