KOALICIONI I SHQIPTARËVE TË LUGINËS SË PRESHEVËS
Preshevë, R. Sadiku 3
tel/fax: 017/660-086
P r e sh e v ë

I N F O R M A T Ë

Kryetari i PVD-së, Riza Halimi, dhe kryetari i BDL-së, Skender Destani, iu drejtuan sot me një letër Ambasadës së SHBA-ve dh OSBE-së për t’i njoftuar me problemet që po paraqiten gjatë aktiviteteve parazgjedhore në Luginë të Preshevës.
Në këtë letër janë paraqitur problemet serioze që Koalicionit të shqiptarëve të Luginës së Preshevës po i shkaktojnë organet shtetërore në Serbi.
Fillimisht janë paraqitur problemet që i kanë shkaktuar kryetarët e gjykatave komunale të cilët imponuan në mënyrë joligjore që vërtetimi i përkrahjes për Koalicionin e shqiptarëve të paguhet 30% më shtrenjtë se lartësia e paraparë në bazë të ligjit . Gjersa në Medvegjë nënshkrimi i përkrahjes për Koalicionin e shqiptarëve u kufizua vetëm një ditë, në Preshevë për ta penguar përkrahjen e shqiptarëve për këtë Koalicion u imponua organizimi i nënshkrimeve me të njejtën libër të evidencës me të cilin evidentohen lëndët e rëndomta të qytetarëve.
Mirëpo, që strukturave të pareformuara shtetërore në Serbi po i pengon pjesëmarrja e shqiptarëve në zgjedhjet paralmentare shifet qartë edhe nga struktura e organeve zgjedhore prej të cilëve po tentohet të eliminohen shqiptarët . Kurse partia radikale serbe ka paraqitur ankesë gjygjit suprem me të cilin i kontestohet vërtetimi i listës zgjedhore të Koalicionit të shqiptarëve në Luginë të Preshevës për zgjedhjet e 21 janarit.
Duke i pasur parasyshë këto pengeesa serioze, kryetarët e PVD-së dhe BDL-së, të cilët paraprakisht iu drejtuan edhe Komisionit Republikan Zgjedhor, nga Ambasada e SHBA-ve dhe OSBE kërkojnë përkrahje në eliminimin e pengesave të paraqitura në mënyrë që të krijohen kushte normale për zgjedhjet e 21 janarit, në të cilat shqiptarët e Luginës kanë mundësi t’i zgjedhin përfaqësuesit e tyre legjitim të cilët do të punojnë për të nesërme më të mirë në Luginë.




Në Preshevë, më 05.01.2007

SHTABI ZGJEDHOR I KOALICIONIT
Nadër SADIKU, kryetar