Komplotet e Kompanisë Interspeed, hetohen nga Kuvendi i Preshevës

Në vitin 1992 fill pas shpartallimit të ish Republikës Socialiste Federative të Jugosllavisë, ish republikat përbërëse të federatës shpallën mëvetësin e tyre dhe vendosën kufijtë shtetërorë tanimë të tyre.

Komuna e Preshevës, u përball me kufirin shtetëror të Maqedonisë. Përveq ndarjeve të mëdha që shkaktoi kufiri, ai pamundësoi edhe zhvillimin e aktivteteve bujqësore të qytetarëve të Preshevës, të cilët ishin pronar të shumë arave tejet pjellore e që fatëkeqësisht u uzorpuan nga krijimi i vendkalimit kufitar.

Këto ara, u bënë element kontestues juridik për vite me radhë në mesë të pronarëve shqiptarë, kryesisht qytetarë shqiptarë të Bashkësisë lokale të Miratocës, në njërën anë dhe shtetit në anën tjetër, për shkak të mos kompensimit material. Flitet se ky kontest zgjatë edhe sot e më ditë.

Pushteti lokal i Preshevës, ndonëse i udhëhequr nga shqiptarët atëbot ishte i pakompetenca dhe krejtësisht I papërfillshëm nga Pushteti Qëndror i cili udhëhiqej nga diktatori Millosheviq, për të intervenuar sado pak në parandalimin e kësaj dukurie tejet represive.

Në vitin 2002 Qeveria e Serbisë, publikon Planin Hapsinor pikërishtë për këtë pjesë, me të cilin zona në fjalë u shpallë Zonë Komeriale që përfshinte një sipërfaqe prej 9 hektarëve mu në Koridorin 10. Koridor ky stratgjik jo vetëm për Ballkanin por edhe për tërë Evropën Jugëlindore.

Pushteti lokal, tashmë i përballur me një Qeveri Demokratike, edhe pse i informuar tanimë për publikimin e Planit Hapsinor, tani heshtë!

Ndërkoh, kompani të ndryshme nga brendia e Serbisë, mirë të informuara, krejtësishtë në mënyrë të heshtur blejnë “arat” e shqiptarëve, të cilët nuk kishin ide se tokat e tyre tanimë ishin të përfshira në Planin Hapsinor dhe përbënin Zonën Komerciale, me një çmim tejet simbolik. Pushteti lokal edhe kësaj radhe mbetet i painformuar!

2006 pronarët e rinjë të 1/3 së Zonës Komerciale, përfaqësuesit e Kompanisë “Interspeed” i kishte sjellur në zyrën e numrit një të ekzekutivit të Preshevës. Ata kërkonin nga adminitrata komunale vërtetimin e projektit urbanistikë të zonës në fjalë i cili do të dëshmonte përputhshmërin me planin hapsinor, përmes së cilit do të mund të bënin bashkimin e parcelave katastarike tashmë të blera, për t`i shëndrruar të njëjtat më vonë në parcela ndëtimore.

Iniciativa e tyre për përmirësimin e gjendjes ekonomike, hapjen e vendeve të reja të punës dhe angazhimin e firmave të shumta vendore në krijimin e Kompleksit Afaristo Tregtar të qujatur “INTERSPEED”. Kishte joshur prefektin. Një gjë e tillë u morë vesh kur Iniciativa u përshëndet dhe u përkrah, bile u promovua edhe në fushatën parazgjedhore nga vetë prefekti i Preshevës.

Ndërkoh Interspeed, bënë një pazar me Kompaninë hungareze për shitëblerje të karburanteve INTERMOL, ia shet asaj rreth një hektar tokë nga pjesa në të cilën ishte tashmë pronare.

Por ndodhi diçka e papritur, ç`ështja u politizua, u alarmua legjislativi i Preshevës. Kuvendi Komunal në muajin nëntor, kërkoi ndalimin e procesit të proceduimit të projektit Interspeed. U krijua Komisioni i Anketues i Kuvendit, i cili për 20 ditë duhej të raportonte në Kuvend lidhur me çështjen Interspeed.

Çuditërisht, komisioni anktues, po vonohej në raportim. Dalngadal një pas një dy anëtar të komisionit dhanë dorëheqje. Raportimi gjithnjë e më shumë prolonghej. Arsyet gjithnjë mbeteshin të pashpjeguara.Më në fund në prill të viti 2007, në Kuvend u dëgjua zëri i Komisionit Anketues. Raporti kryesiht përfshinte akuza ndaj punës së Drejtoratit Komunal, jo më shumë. Kuvendi nuk e përfilli edhe aq këtë raport, ç`ështja vazhdoi të prolongohet.

Ndërkoh, përfaqësuesit e Kompanisë Interspedit, intensifikonin takimet me prefektin e komunës, nga ana tjetër të thirur në vendimin e Kuvendit Komunal të nëntorit të vitit 2006, përfaqësuesit e Interspeedit, kishin filluar proseduimin e kërkimin të vendimit për ndërtim të kompleksit në Ministrin Republikane për Investime Kapitale, si shkallë e dytë. Ministria në fjalë më 15 mai të vitit 2007, kishte lëshuar vendimin e shumë kërkuar, duke e paraparë në të afatin prej 30 ditëve në mundësin e ankesës.

Afati ligjor i ankesës, kishte kaluar tërësisht në heshtje, derisa prefekti i komunës zhvillonte po thuaj gjatë çdo jave takim me përfaqësusit e Kompanisë Interspeed.

Pas tejkalimit të afatit ligjorë të ankesës, Përfaqësuesit e Kompanisë Interspeed, kishin filluar punimet e fazës së parë. Ndërkohë çështja alarmohet nga inspektorët komunal të Drejtoratit të Urbanizmit, të cilëve përfaqësuesit e Interspeedit ua kishin treguar vendimin e marrë nga Misitria për Investime Kpaitale.

Alarmi përfshinë edhe dy organet kryesore të Komunës së Preshevës, ekzekutivin dhe legjislativin. Ky i fundit zhvillon seancë të jashtëzakonshme . Në seancë miratohen pesë konkluzione të cilat i drejtohen të gjitha organeve relevante.Kërkohet ndërprerja e vazhdimit të punimeve.

Në këtë seancë qartësohen komplotet e Kompanis Interspeed dhe manipulimet e saja me Vendimin e lëshuar nga Ministria për Investime Kapitale. Në Vendim veq tjerash thuhet se nuk lejohet fillimi i punimeve përderisa nuk rregullohet paraqitja e fillimit të punëve në Ministrin përkatëse, pasi që të sigurohej dëshmia mbi rregullimin e tokës ndërtimore- ç`ështje kjo e cila paraqitet si kompensim komunal dhe sigurhet në admisitratën komunale. Një gjë e tillë shihet qartë se mungon.

Ndërkoh kompania “Prokiç” e Inxhisë, e cila kishte kontraktuar punimet me kompanin Interspeed, kishte filluar punimet e fazës e parë.

Të alarmuar nga kjo amulli e shkaktuar ekipi ynë tentoi të informohej nga përfaqësuesit e kompanisë Interspeed për disa herë me radhë, por hasi në veshë të shurdhër të bossave të kompanisë.

Por çka ndikoi që e tëra kjo histori të jetë largë veshit dhe syrit të opinionit, pse nuk pati transparencë dhe pse u prolonguan gjërat, a kishte prapavijë për këto, a pati përfitime personale, a u mendua për pasojat?!?



Baki Rexhepi