Ndarja koncept i papranueshëm për shqiptarët e Luginës

Bujanoc, 14 gusht 2007 - Koncepti i ndarjes së Kosovës dhe riorganizimit territorial të Luginës së Preshevës, që kohëve të fundit gjithnjë e më tepër po përmendet si opsion i diplomatëve të ndryshëm ndërkombëtar e edhe politikës serbe, për siç thuhet zgjidhje afatgjate të rajonit, për shqiptarët e Luginës së Preshevës, jo që është I papranueshëm por është edhe tejet I rrezikshëm. Shaip Kamberi, Kryetar i Këshillit për të Drejtat e Njeriut me seli në Bujanoc, ka thënë se zgjidhja më e mirë e mundëshme është ajo që parasheh Plani i Presidentit Marti Ahtisari. Kamberi i ka thënë RTK-së, se politika shqiptare e Luginës është pwrcaktuar për përkrahje të zhvillimeve në Kosovë, konformë kornizave të Planit tw Marti Ahtisarit.
Nga ana tjetër, Jeton Ismaili- Drejtor i mediumit të vetëm të pavarur shqiptarë, në Luginën e Preshevës, RTV “Spektri”,duke u thirrur në burimet diplomatike, ka paralajmruar për konceptin e realizimit të ndarjes përmes të ashtuquajturit riorganizim territorial dhe më pas proçesit të demarkacionit. Sipas tij kjo çështje është alarmante dhe tejet e rrezikshme.
Ndërkoh Kamberi, shqiptarët e Luginës besojnë në Planin e Marti Ahtisarit për avansimin e të drejtave të tyre konform vlerave të paraqitura në këtë plan.
Përfaqësuesit politik shqiptarë të Preshevës, Bujanocit dhe të Medvegjës, në një platformë të përbashkët të miratuar gjatë vitit të kaluar janë zotuar për rrespektimin e Parimeve të Grupit të Kontaktit. Gjë e cila parasheh mos ndryshimin e kufijëve ekzistues.

Baki Rexhepi-RTK