Partia Demokratike do t'i ftojë shqiptarët të marrin pjesë në qeveri

Preshevë, 23 Janar (presheva.com) - Sipas Komisionit Republikan të Zgjedhjeve, Koalicioni i shqiptarëve të Luginës ka fituar një mandat në parlament. Sipas KRZ, Partia Demokratike e Boris Tadiq do të ketë 64 mandate, një më pak se që ishte paralajmëruar më parë. Edhe pse ende nuk është bërë e ditur përbërja e koalicioni që do të krijojë qeverinë, është e sigurt se atë do ta krijojnë forcat e të ashtuquajturit bllokut demokratik. Kandidati i PD-së për kryeministër Bozhidar Xheliq ka deklaruar se partia e tij mund të bashkëpunojë me të gjitha partitë përveç me Partinë Radikale dhe Partinë Socialiste të Serbisë. Xheliq ka shtuar se do të ftojë Koalicionin e Shqiptarëve të Luginës së Preshevës të marrin pjesë në qeveri.