Të fillojnë bisedimet Preshevë-Beograd, për zgjidhjen e problemeve

Siguria e brishtë, problemet ende të pazgjidhura politike, ekonomike dhe ato sociale, janë vetëm disa nga faktorët, që kanë ndikuar të protestojnë qytetarët shqiptarë të Preshevës, Bujanocit dhe të Medvegjes, në sheshin para Kuvendit Komunal në Preshevës, nën patronatin e Organizatës së Vteranëve të Luftës së ish UÇPMB-së.

Nënkryetar I OVL të ish UÇPMB-së, Arbër Ibrahimi, para masës së tubuar tha se në momentet kur Lugina e Preshevës, ishte bërë temë bisede në qendrat e vendosjes ndërkombetare si ën Këshill të Sigurimit të OKB-së, ashtu edhe në selinë e NATO-s, deri sa shqiptarët I kaploji një fije shprese se më në fund, falë aktivitetit dhe sakrificës, luftës dhe gjakut të derdhur të bijëve të këtij populli, do të shpërblehen me lirinë e shumëkërkuar, ndodhi ajo që nuk duhej të ndodhte. Ne u tradhëtuam dhe nuk fituam lirinë, tha ndër të tjera Ibrahimi, për të vazhduar me faktin se, ishpjestarët e UÇPMB-së I lëshuan armët dhe I hapën rrugë zgjidhjes politike, por proceset u mbyllën njëanshëm dhe pa rezultate- duke e dëmtuar palën shqiptare.

Organizatorët e protestës të përkrahur edhe nga pjesa dërmuese e strukturave politike dhe institucionale të Luginës, iu kanë drejtuar faktorëve relevant vendor, rajonal dhe atyre ndërkombëtar, me një varg kërkesash. Ndër të cilat veçohet organizimi I bisedimeve Preshevë-Beograd për zgjidhjen e problemit politik të shqiptarëve të këtij rajoni, të ndërprera në maj të vitit 2001. Pastaj demilitarizmi, ndërprerja e diskriminimit, lirimi I të burgosurve politik, ndërprerja e politikës shpërngulëse të shqiptarëve si dhe njohja e të drejtës për vetëvendosje.

Protesta e sotme u përcoll me një interesim të jashtëzakonshëm të mediave vendore dhe ndërkombëtare. Ndërkoh që një interesm të vacant kishin edhe masat e shumta të sigurisë. Përkundër vëmendjes së tillë, protesat kaloi pa probleme të regjistruara, ndërkoh që masa e tubuar në mënyrë të qetë u shpërnda.


Baki Rexhepi
 

Kërkesat e protestave të sotshme: 

1. Bashkësia ndërkombëtare si ndërmjetsuese për ndërprerjen e luftës së armatosur në mes të UCPMB dhe forcave serbe, tani të organizojë fillimin e bisedimeve Preshevë - Beograd për zgjidhjen e problemit politik të Shqiptarëve të Luginës së preshevës, i ndërprerë në maj të vitit 2001. 

2. Zyrtarisht dhe në mënyrë politike, Beogradi zyrtar të anulojë të gjitha fletarrestet të lëshuara nga gjykata serbe dhe ato të BIA-s, lëshuar për arrestimin e shqiptarëve për shkak të veprimtarisë së tyre kombëtare. 

3.Konformt të drejtës ndrëkombëtare dhe obligimeve ndërkombëtare Beogradi zyrtar të i ndalojë politikën e shpërnguljes së shqiptarëve dhe, të mos pengojë por të krijojë kushte për kthimin e të gjithë të shpërngulve shqiptar në pronat e tyre. 

4. Forcat ushtarake serbe Xhandarmeria dhe ushtria serbe të tërhiqen nga  lugina e Preshevës dhe të krijohen mundësitë e demilitarizimit të rajonit nga forcat serbe. 

5. Qeveria serbe të ndalojë ndërtimin e objekteve dhe infrastrukturës militare përbrenda kufijve lë Luginës së Preshevës. 

6. Beogradi zyrtar të ndalojë menjëherë proceset gjyqësore të motivuara politikisht. 

7. Të lirohen pa asnjë kusht luftëtarët e lirisë nga burgjet serbe dhe ato të UNMIK-ut. 

8. T'i njihet popullit shqiptar të Luginës së Preshevës e drejta për vetvendosje.

photo by presheva.com