Xhandarmeria dhe policia serbe në shërbim të bossave të "Interspeedit"

Preshevë, 09 korrik 2007 (presheva.com) - Kompleksi afaristo tregtar i kompanisë beogradase me një të kaluar mjaftë të dyshimtë “Interspeed” I cili ka filluar tashmë punimet e fazës së parë, në Koridorin 10 në vetë kufirin shtetëror Serbi- Maqedoni, është bërë “mollë sherri” e tensionimit të situatës në Komunë e Preshevës. Përfaqësuesit e Intespeedit të cilët kanë siguruar një vendim gjysmak pune, në Ministrinë Republikane për Investime Kapitale edhe pse kohë më parë janë njoftuar me konkluzionet e Kuvendit Komunal të Preshevës, për ndërprerje të të gjitha punimeve, nuk i kanë rrespektuar qëndrimet e Kuvendit. Ata me ndihmën xhandarmëris dhe policis serbe, kanë tentuar të mjellin frikën tek vetadministrimi lokal dhe kështu të sigurojnë vazhdimin e punëve të këtij kompleksi. Me këtë rast xhandarët kanë penguar punëkryesin i cili kishte fituar të drejtën e punës nga Këshilli Komunal, për kthimin e dheut të hjekur në vendin e më parshëm. Isuf Azizi-Drejtor i Kompanisë “Valoni Petrol” në Preshevë, nuk iu ka bindur urdhërave të xhandarmërisë për ndërprerje te punimeve ai ka kërkuar prezencën e inspektorëve dhe udhëheqësve komunal.
Veprimi i tillë i xhandarmërisë dhe mospërfillja e qëndrimeve të Kuvendit Komunal, nga ana e përfaqësuesve të Kompanisë “Interspeed”, ka revoltuar prefektin Ragmi Mustafa, i cili u ballafaquan drejtpërdrejtë me të gjitha strukturat prezente.
Ragmi Mustafa-Prefekt i Komunës së Preshevës, me këtë rast ka kërkuar largimin e xhandarmërisë si dhe ndërprerjen e punimeve ai ka kërkuar nga bosat e Interspeedit, rrespektimin ne qëndrimeve të Kuvendit si dhe largimin e xhandarmërisë, meqë sipas tij ata pikërisht pronarët e Interspeedit i kishin sjellur aty, dhe se kjo asesi nuk e frikëson vetadministrimin lokal për ndrsyhim të qwndrimeve. Mustafa është zotuar se do të ushtroj plotësisht të gjitha kompetencat e veta të lejuara me ligjë dhe në këtë pikpamje do të mbrojë qëndrimet e Kuvendit.

Interspeed është kompani beogradase me një të kaluar tejet të dyshimt. Njëriu I parë I sajë Petar Komljenoviq biznismen serb, sipas mediave serbe akuzohet për kontraband me duhan gjatë periudhës së qeverisjes së Millosheviqit.

Komlenoviq gjithnjë sipas mediave serbe, aktivitetet e tijë i ka zhvilluar nën patronatin e të birit të diktatorit serb, Marko Millosheviq.”

Baki Rexhepi