Ambasadori i Norvegjisë Haakon Blankenborg viziton qytetin e Bujanocit

Në Bujanoc të enjten ka qëndruar ambasadori i Norvegjisë në Beograd Haakon Blankenborg, i cili u pritë nga kryetari i komunës së Bujanocit Nagip Arifi.
Së bashku me ambasadorin Norvegjez ishte këshilltarja e lartë e Ministrisë së Punëve të Jashtme të Norvegjisë Eli Jonvik dhe zëvendësdrejtori në drejtoratin për çështje të Ballkanit perëndimor, Nils Ragnar Kamsvag.
Kjo ështe vizita e tretë që ambasadori Norvegjisë i bënë qytetit të Bujanocit.
Në takimin me prefektin Arifi është biseduar për bashkpunimin që kanë komuna e Lilhamerit me komunën e Bujanocit dhe që në të ardhmen ky bashkëpunim të zgjerohet jo vetëm në arsim por edhe në fushën e mjekësisë dhe ekonomisë. Nje nder temat e tjera që është diskutuar ka qenë ajo e zgjedhjeve lokale dhe ato parlamentare të 11 majit.
Prefekti Arifi u shpreh se biseda e sotme u përqëndrua në bashkëpunimin mes dy komunave, i cili duhet të vazhdojë sepse atë bashkpunim e përkrah në aspektin moral dhe financiar edhe Ministria e Punëve të Jashtme e Norvegjisë. Ndërkohë është kërkuar që ky bashkëpunim të zgjerohet edhe në shëndetësi ku është marrë dhe përkrahja nga ana e ambasadorit.
"Unë shpresoj që tash e tutje komuna e Lilihamerit por edhe Ministria e Punëve të Jashtme të Norvegjisë do të na ndihmojë jo vetëm në aspektin e zhvillimit të Infrastrukturës po edhe në zhvillimin ekonomik" është shprehur me tej Arifi.
Ambasadori Haakon Blankenborg vlerësoi bashkëpunimin shumë të mirë me komunën e Bujanocit dhe shprehu besimin që edhe në të ardhmen do të ketë një bashkpunim po kaq të mirë.
Ambasadori Norvegjez gjithashtu u takua edhe me menaxherin e komunës Neshta Shaqiri, menaxheri u shpreh se ambasadori u intresua për zhvillimin ekonomik të komunës së Bujanocit dhe mundësitë e bashkpunimit të komunave të Bujanocit dhe asaj të Lilihamerit në këtë sferë, dhe po ashtu mbi procesin e zgjedhjeve lokale dhe ato parlamentare të 11 majit.
komuna e Bujanocit me komuna e Lilihamerit siç dihet kohë më parë e kanë nënshkruarë marërveshjen e vëllazërimit dhe që nga viti 2005, ku dhe ajo ishte hera e parë që ambasadori i Norvegjisë e vizitoi qytetin e Bujanocit dhe që atëher të dy komunat kanë një bashkëpunim shumë të mirë.

RTB