Disa bashkatdhetarë udhëtuan sot për në Tiranë për të ndarë dhimbjen me vëllezërit e një gjaku

Bashkatdhetarët e Kosovës Lindore ndajnë dhimbjen me vëllezërit në Shqipërisë

Cyrih, 16 mars

Si gjithmonë shqiptarët që kanë ditur në raste të rënda të ndajnë dhimbjen edhe kësaj here, disa bashkatdhetarë, morën rrugën për në Prishtinë dhe pastaj për në Tiranë për t'u solidarizuar me vëllezërit në Shqipëri.Sot, në orën 06.30 nga Aerporti i Cyrihut si zakonisht u nisën dy aeroplanë për në Kosovë, por kësaj here, disa bashkatdhetarë nuk shkuan në Kosovë për arsye tjera familjare, por për të ndarë dhimbjen në Shqipëri me vëllezëtit e një gjaku.Thuajse të gjitha aktivitetet kultuore që mbaheshin në fundjavë zakonisht në Zvicër, mbrëmë shumica prej tyre janë anuluar, kështu ndodhi edhe me organizimin e LDD-së, nëndega e Regensdorfit, anuloi manifestimin për ditën e pavarësisë së Shqipërisë, ku ishin të pranishëm një numër i konsiderueshëm i bashkatdhetarëve.Këtë festë, këshilli organizativ e shtyu me arsye të kuptueshme dhe u mbajt një minutë heshtje dhe më pastaj u ndanë të qetë dhe me menjëherë merrnin në tel miqtë e tyre që i kanë në Shqipëri për ti shprehur ngushëllime dhe për tu solidarizuar me këtë ditë tragjike.Nga kjo tragjedi siç jemi të informuar pesë persona kanë vdekur dhe të paktën 200 të tjerë janë plagosur nga një varg shpërthimesh në një depo municionesh në fshatin Gërdec të Vorës, në afërsi të Tiranës.Shumica e viktimave, përfshirë gra dhe fëmijë, të cilët arritën në spitale, ishin nga fshatrat përreth.Të paktën 155 veta janë hospitalizuar, 70 ndodhen në spitalin e Durrësit, 70 në Spitalin Ushtarak në Tiranë dhe 15 në Spitalin Nënë Tereza.
Shpërthimi ka qenë aq i fuqishëm sa është dëgjuar edhe 100 kilometra më larg në Maqedoni.Me këtë rast, edhe kryesia e gjerë e AAK-së, me në krye kordinatorin Lan Avdiu, u mblodhën mbrëmë në një takim të shpejtë dhe urgjent për këtë tragjedi, që të bëhet çmos dhe të ndihmohen vëllezërit tanë në Shqipëri, që këtë dhimbje ta ndajmë së bashku.Z.Avdiu, na tha, se kjo që ndodhi në Shqipëri, vërtetë na ka shokuar të gjithëve. Shprehim ngushëllime Ambasadorit të shtetit shqiptar në Zvicër, mikut tonë të respektuar Z.Mehmet Elezi, kryeministrit Berisha, kryetarit Topi, Kryeparlamentares Topalli dhe gjithë atyre familjeve që përjetuan këtë rast të rëndë'.Gjithashtu, bashkatdhetarët e Kosovës Lindore, shprehin ngushëllime familjeve që humbën jetën në këtë tragjedi dhe do ndajnë dhimbjen me vëllezërit në Shqipëri.Në emër të bashkatdhetarëve të Kosovës Lindore, publicisti D.H, i dërgoi një telegram ngushëllimi Ambasadorit të Shqipërisë në Zvicër, z.Mehmet Elezit si dhe kryeminisrit të Shqipërisë Prof.Dr.Sali Berisha.Një grup bashkatdhetarësh të Kosovës Lindore.
Ne siguruam edhe disa prononcime që i morëm nga disa bashkatdhetarë, që sot udhëtuan enkas për t'u solidarizuar me Shqipërinë dhe ja se çfarë na tha ndër të tjera Avinu nga komuna e Gjilanit: 'Së pari ngusheëloj të gjithë familjarët e t vdekurve nga kjo tragjedi dhe të plagorsurve në këtë tragjedi ju uroj shërim sa më të shpejtë dhe rikthim në shtëptëe tyre.
Së dyti uroj që qeveria të dijë të menaxhojë situatën dhe padyshim se do të dijë.Ndodhin këto tragjedi në kohën kur Shqipëria pritet të anëtarësohet në NATO.Jam nisur sot, për në Tiranë, kam shumë miqë atje dhe të solidarizohem me ta.Kjo mu duk sikur Nju Jorku kur është godit ashtu edhe Shqipëria. E dhimbshme'. Me një fjalë të gjithë bashkatdhetarët, janë të shqetësuar dhe i dërgojnë telegrame ngushëllime dhe përmes telefonit Ambasadorit Elezi në Bern.

Dashnim HEBIBI