Pushtei lokal në Bujanoc ndihmon zhvillimin e bujqësisë 

Me qëllim të përkrahjes për zhvillim sa më të suksesshëm të bujqësisë në komunën tonë pushteti lokal në Bujanoc ka përkrahur organizatën suedeze SIDA për realizimin e projektit ndihmë në mjete teknike kooperativave bujqësore.

Kjo ndihmë bëhet në kuadër të projektit “Lumi me qumësht” që realizohet në dy fshatra të komunës së Bujanocit, në Tërnoc dhe Rakoc.

            Për realizimin e këtij projekti nga buxheti komunal janë ndarë 8 mijë  euro, nga organizata e Suedisë SIDA gjithashtu 8 mijë euro dhe nga vet prodhuesit janë mbledhur 4 mijë euro.

            Kryetari i komunës Nagip Arifi tha se “realizimi i këtij projekti dëshmon angazhimin e pushteti lokal për krijimin e kushteve për zhvillimin e bujqësisë në komunën tonë. Ne jemi duke i dhënë një përkrahje të madhe Bujqësisë, siç dihet ne kemi ndarë edhe subvencione për prodhuesit e qumështit, po ashtu edhe duhanit. Në planin dhe programin për zhvillimin e bujqësisë, nga buxhetin i komunës janë të parapara 50 mijë euro”.

            Arifi gjithashtu shtoi se komuna e Bujanocit është e gatshme që ti përkrah të gjithë fshatrat e komunës sonë të cilët organizojnë kooperativa bujqësore.

Në panairin ndërkombëtar të bujqësisë i cili do të mbahet nga data 7deri më 10 prill në Bujanoc, bujqit tanë kanë mundësin të njoftohen edhe me prodhues nga vendet e ndryshëm, dhe e gjithë kjo ka për qëllim zhvillimin e bujqësisë në vendin tonë, thekson Arifi.

            Drejtori i kooperativës në Tërrnoc Idriz Hamidi u shpreh shumë i kënaqur me marrjen e këtyre mjeteve në kuadër të projektit “Lumi me qumësht” dhe ai shpreson se ketë vit do të ketë edhe prodhime më të mira bujqësore.

V. Vehbiu

RTB