Pas Tiranës, Prishtinës e Shkupit edhe Presheva tashmë e ka në gjirin e saj Gjergj Kastriotin- Skënderbeun



Pas rikthimit të emrit të gjimnazit në Preshevë, punëtorët e gjimnazit inaugurojn bustin e Gjergj Kastriotit Skendëerbeut.

Preshevë 03 mars 2008

Në përvjetorin e mbajtjes së Kuvendit të Lezhës, gjimnazi I Preshevës, në 47 vjetorin e ekzistimit të tij, riktheu emrin e shkollës “Skënderbeu”, të cilin diktatura millosheviqiane padrejtësisht ia kishte ndrruar në vitet e fund të të tetëdhjetave.
Zbulimin e bustit të Gjergj Kastriot Skenderbeut e bëri drejtori i gjimnazit, Burhan Ahmeti, me bashkëpunotorët e shkollës, i cilia para të pranishmëve të shumtë foli për rëndësinë e vuarjes së bustiti të heroit tonë kombëtar Skenderbeut, pa të cilin ishte evident boshllëku në Luginën e Preshevës.
Ahmeti, përmendi edhe sakrificat e punëtorëve arsimorë të këtij gjimnazi që në periudha të kohës kishin pësuar, madje edhe përjashtuar nga procesi arsimor. Tubimin në fjalë e përshëndetën edhe prefekti i Preshevës, Ragmi Mustafa.
Një kontribut të jashtëzakonshëm në vendosjen e bustit të Skënderbeut, dhanë ish drejtori i kësaj qendre Abdurrahman Zylfiu, bashkë me përfaqësuesin e sindikatës së punëtorëve të gjimnazit Rafet Murytezin.
Lidhur me ditën e shkollës dhe rëndësinë e kësaj date historike, Abdurrahman Zylfiu, ish-drejtor i këtij institucioni, theksoi se Lugina kremton me të drejtë katër festa: Kuvendin e Lezhës, Ditën e shkollës, inaugurimin e bustës së Skënderbeut dhe pavarësinë e Kosovës.
Ndërkoh profesori I gjimnazit Rafet Murtezi I cili njëkohësisht përfaqëson sindikatën e këtij institucioni, duke shpreh kënaqësin e kurorëzimit të angazhimit disa vjeqar për vendosjen e bustit të Gjergj Kastrioit, tha se tash e tutje “Skenderbeu” na obligon që të angazhohemi edhe me shumë në arritjen e sukseseve, gjithmon nën firmën e Skenderbeut.
Vendosjen e bustit të Gjergj Kastriotit, e kanë përshëndetur edhe përfaqësuesit e Organizatës së Veteranëve të Luftës. Lulëzim Ibishi-Kryetar i OVL-së, me këtë rast deklaroi se kjo vepër dëshmon vullnetin e popullit shqiptarë të Luginës për angazhim drejtë bashkimit kombëtarë.
Busti I Skenderbeut është vepër e skulptorit akademik preshevar Ismet Jonuzi. Ai peshon rreth 150 kg dhe është e shkrirë në bronz.



Baki Rexhepi