Me praninë e më shumë se 1.000 bashkatdhetarëve, u festuan solemnisht tri festat, 17 shkurti, 7 dhe 8 marsi, organizuar nga LAPSH-i për kt.Cyrih

Në Zvicër nxënësit e shkollës plotësuese shqipe të Kosovës Lindore, mësojnë me vullnet nga programi arsimor i Republikës së Kosovës


Mësuesja Antoneta, njëherit edhe sekretare e LAPSH-it për kt.e Cyrihut, ndër të tjera tha:"Duke festuar njëkohësisht mendjen e zemrën do ta kemi me të gjithë ata që e bënë këtë ditë të lumnueshme, të mundur, sepse populli thotë:"Me pushkë dhe me penë të gjithë ata që ranë në krah shqiponjash emrat shkruar i kanë".

Bülach, 9 mars
E fillova këtë shkrim me këtë titull me të vetmën arsye: Në Zvicër nxënësit e shkollës plotësuese shqipe të Kosovës Lindore, mësojnë me vullnet nga programi arsimor i Republikës së Kosovës, duke dhënë rreze shprese se edhe një ditë të shpejtë, nxënësit e shkollave shqipe në tërë Kosovën Lindore, do të mësojnë nga plan programi arsimor i Kosovës, ngase Presheva, Bujanoci dhe Medvegja me shpirt janë në Kosovë.Edhe pse, jemi dëshmitar të realitetit, që mësuesit e shkollave të Kosovës Lindore, gjithmonë me vullnet dhe me shumë vështirësi të kohërave të ndryshme që i kanë kaluar, kanë spjeguar për Naim Frashërin, Samiun, Fishtën, Skënderbeu, Ismajl Qemajlin, Konicën, Pandeli Sotirin et, prandaj duhet përshëndetut në këtë rast të gjithë profesorët e Kosovës Lindore, e në këtë rast nga zemra përgëzojmë për një punë të madhe që ka bërë, që po bënë dhe që do të bëjë Prof:Sadete Presheva, e cila ka edukuar brez pas brezi dhe me të përfunduar këta gjimnazist nëpër Universitete kanë pasur shumë suksese, ndër ta jam edhe unë, pra falë punës që ka bërë Prof.Presheva, duke e mbajtur të gjallë dhe duke i motivuar nxënësit me kuize të ndryshme që u mbashin në ate kohë, si dhe me orë të ndryshme letrare.Respekte të veçanta.Kështu, pra duke shpresuar se një ditë do të vijnë rrezet e lirisë që i ka Kosova, Shqipëria, do të vijnë në Kosovën Lindore, shumë nxënës mërgimtarë nga këto treva shqiptare, dje dhe gjithnjë po rrinë në krah të bashkëkombasve të ndryshëm, në mësimin plotësues shqip dhe ky numër është shumë i madh.Pra në shkollat plotësuese shqipe në Zvicër, për fëmijët mërgimtarë nuk ka kufinjë.Si asnjëherë më parë, si asnjëherë më madhërisht, si asnjëherë më me kaq buzëqeshje, si asnjëherë më parë me aq flamuj të shumtë kombëtar dhe tani me flamurin e Kosovës, bashkatdhetarët festuan në Bulach të Cyrihut, për disa orë me radhë 17 shkurtin ditën e shumë pritur të pavarësisë së Kosovës, 7 marsin ditën e mësuesit dhe 8 marsin ditën e gruas.Me një organizim të mrekullueshëm, modest, ashtu siç dinë të organizojnë LAPSH-i për kantonin e Cyrihut, kishin mbledhur të gjithë mësuesit e shkollës plotësuese shqipe që veprojnë në katonin e Cyrihut, nxënës, prindër dhe dashamirë të shkollës plotësuese shqipe që kanë ndihmuar shkollën shqipe në Zvicër me vite të tëra.Kësaj here, musafirë nderi nga Kosova kishte ardhur z.Nuhi Gashi, përfaqësues i Ministrisë së Arsimit, Shkencës e Teknologjisë, i cili kishte sjellur me vete për mësuesit shqiptarë edhe plan programin e mësimit plotësues shqip për mësuesit shqiptarë, pra një program të ri tashmë të shtetësisë së Kosovës.Qyteti i Bulachut, tashmë do të kujtohet, që menjëherë pas pavarësisë, kishte mbledhur për herë të parë kaq mësues të shumtë, nxënës dhe mbi të gjitha priti edhe programin e ri të shkollës shqipe nga Republika e Kosovës, nga shteti më i ri i europës dhe botës.Dalja në skenë e shumë fëmijëve mërgimtarë, tregoi edhe fillimin e këtij manifestimi të trefishtë, ku me zërin e njomë, ashtu si të dallëndysheve, jepnin mesazh shprese, mesazh bashkëpunimi, mesazh veprimi e angazhimi edhe më të madh për këtë brez të ri që po rriten dhe po edukohen larg atdheut, që po vrapojnë pas ABC-së që të mos e harrojnë gjuhën amtare, të mësojnë historinë e lavdishme kombëtare, kënduan himnin kombëtar dhe të gjithë të pranishmit u ngritën në këmbë, për të respektuar himnin, si dhe të gjithë dëshmorët e rënë në altarin e lirisë për atdheun tonë.Mësues Nexhati dhe Antoneta, moderuan këtë aktivitet të pasur festiv.Z.Nexhati e filloi këtë moderim me fjalët, se:"Në ditët kur kemi punuar për të organizuar këtë festë ishte janarë, ende nuk e dinim ditën e saktë të shpalljes së pavarësisë së Kosovës, pra fillimisht e kishim menduar që të jetë një festë për 7 dhe 8 marsin, por 17 shkurti i këtij viti na solli gëzimin më sublim, pra shpalljen e pavarësisë së Kosovës, kurorëzimin e përpjekjeve shekullore të popullit tonë.

Ndërsa mësuesja Antoneta, njëherit edhe sekretare e LAPSH-it për kt.e Cyrihut, ndër të tjera tha:"Në këtë ditë u përmbushën ëndrrat e shumë brezave që punuan dhe luftuan për lirinë e vendit tonë, duke mos u përkulur para vështirësive, ndjekjeve, burgosjeve e vrasjeve të vazhdueshme.Duke festuar njëkohësisht mendjen e zemrën do ta kemi me të gjithë ata që e bënë këtë ditë të lumnueshme, të mundur, sepse populli thotë:"Me pushkë dhe me penë të gjithë ata që ranë në krah shqiponjash emrat shkruar i kanë". Z.Nuhi Gashi, përfaqësues i Ministrisë së Arsimit, Shkencës e Teknologjisë nga Kosova, përgjegjës i njësisë për mësimin potësues në mërgatë tha:"Kam nderin dhe kënaqësinë që në emrin tim personal dhe në emër të ministrisë së Arsimit, Shkencës dhe Teknologjisë, t'ua uroj pavarësinë e shtetësisë së Kosovës, ditën e mësuesit, ku jeni duke punuar me ndershmëri të madhe, si dhe ditën e gruas.Kuptohet, se sot si asnjëherë më parë jeni të gëzuar, kuptohet se sot, si asnjëherë më parë jeni duke festuar më plotësisht festat.Keni kontribuar në sfera të ndryshme që ka kaluar atdheu dhe meritoni urimet më të përzemërta.Tani, kemi shtetin tonë Kosovën, tani do përkujdesemi edhe më shumë për ju bashkatdhetarë të nderuar, sepse edhe ju jeni pjesë e Kosovës, të cilën e doni shumë.Sot, ua solla edhe plan programin e ri nga Republika e Kosovës, pra program shkollor tashmë i shtetit më të ri, i shtetit për të cilin kanë dhënë jetën shumë dëshmorë e shumë invalidë të luftës kanë mbetur pa gjymtyrët e trupit,që të kontribuoni ju mësues të nderuar për këtë rini të mirë që po edukohet jashtë shtetit tonë. Këtij shteti mik të kombit tonë Zvicrës, duhet t'i jemi mirënjohës edhe pse e di se edhe ju jeni mirënjohës, sepse në sallë krahas flamurit kombëtar, atij të Kosovës, po e shoh edhe të Zvicrës dhe shumë miqë zviceranë.Jemi paqësor, miqësor dhe popull që e duam lirinë dhe punën.Pra, prindër të respektuar, dërgoni fëmijët tuaj në shkollat plotësuese shqipe.Sot, nuk është koha e fjalimit, por koha e festimit dhe punës.Pra, gëzuar edhe njëherë tri festat dhe mirupafshim në Kosovën tonë të dashur, që ju mirëpret me respekt të lartë".Ndërsa z.Rüeg, ambasador nderi i Shqipërisë në Zvicër ndër të tjera tha:"Gëzuar festën e pavarësisë, shtatë marsin dhe tetë marsin. Është kënaqësi kur po ju shoh duke festuar e duke buzëqeshur, e meritoni këtë.Populli shqiptar, është i integruar mirë në Zvicër dhe popull që ka punuar në Zvicër me ndershmëri,prandaj jeni dhe do mbeteni të respektuar.Gëzuar". Edhe kontribuesi i madh i shkollës plotësuese shqipe për Zvicër, studiuesi zviceran dhe njëherit miku i kombit tonë, z.Basil Shader mori fjalën dhe tha:"Edhe pse nuk jam përgatitur të mbaja një fjalim para jush, por si gjithmonë do të flas nga zemra.Prandaj, urime miqë shqiptarë festën e pavarësisë së Kosovës, ju mësues ditën e mësuesit dhe ju nëna shqiptare festën e gruas. Vërtetë është kënaqësi kur ju shohim në festë.Vazhdoni të punoni edhe më shumë, sepse vetëm puna do ju bëjë të çmuar dhe do ju nderoj sikur që po nderoheni edhe sot".

Nga moderatorët, u falënderua edhe shteti mik i kombit tonë Zvicra, disa herë në gjuhën gjermane, si dhe sponzorët shqiptarë që kanë dhënë ndihma të shpeshta për shkollën shqipe në Zvicër.Për nxënësit e shkollës plotësuese shqipe nga Bekim Prelvukaj u ofrua edhe një lojë shpërblyese, ku nxënësit u shpërblyen me disa dhurata modeste, si biçikletë, DVD etj. Shkolla plotësuese shqipe në kt. e Cyrihut, ka jo më pak se 1000 nxënës që vijojnë shkollën plotësuese dhe para musafirëve të shumtë në skenë dolën për ti përshëndetur edhe mësuesit, ku ndër ta ishte edhe zonja Shurkrie Ramadani, të gjithë mësuesit thanë nga një fjalë përshëndetëse duke iu uruar të gjithëve festat.Po veçojmë një citat të shkurtër që tha mësuesja, veprimtarja e madhe zonja Ramadani: "Të nderuar bashkatdhetarë, ju përgëzojë festën e pavarësisë së Kosovës, këtë festë të madhe kombëtare, këtë festë të mirëpritur me shekuj, për të cilën kanë rënë shumë dëshmorë.Tani jemi të lirë, tani kemi Kosovën tonë, na duhet të përgatisim këtë brez të ri ashtu si duhet, që kur të kthehen në Kosovë të kontribuojnë, sepse pasuria më e madhe është rinia dhe për këtë rini duhet investuar më shumë". Z.Naser Ulaj, kryetar i LAPSH-it për Cyrih tha: "Festat e 7 dhe 8 marsit, këtë vit i ka shtuar edhe më shumë begatinë dhe ka mbështjellë me një pëlhurë të hollë solemnisht shteti i pavarur i Kosovës. 17 shkurti 2008 rehabilitoi shpirtrat e shumë patriotëve dhe atdhetarëve që luftuan me pend edhe me armë që nga Skënderbeu, Ismajl Qemajli, Sylejman Vokshi, Hasan Prishtina...., e deri te heronjët dhe luftëtarët e UçK-së në krye me komandantin Adem Jashari që me gjakun e tyre vulosën themelet e shtetësisë së Kosovës.Në tërë kantonin e Cyrihut, sot kemi 53 pika shkollore me rreth 960 nxënës të moshave të ndryshme i cili po rritet gjithnjë e më shumë. Ne u jemi mirënjohës institucioneve zvicerane, për bashkëpunimin dhe përkrahjen e madhe që po na japin.Edhe njëherë, urime festat e trefishta dhe gjitha të mirat, në fund do të thoja, që të dërgojnë fëmijët mërgimtarë më shumë në shkollat shqipe".Këtë manifestim, e nderuan edhe disa bashkëshorte të dëshmorëve të UçK-së dhe UçPMB-së që jetojnë në Zvicër, si dhe disa ish luftëtarë të UçK-së dhe UçPMB-së.Në fund të kësaj feste të trefishtë, u këndua me këngë të bukura shqipe nga Edona LLalloshi, këngëtari Ceci, si dhe një program i pasur me poezi, këngë dhe valle, të përgatitura nga nxënësit e shkollave shqipe që veprojnë në këtë kanton.Ndërsa, bashkatdhetarët e shumtë që ishin, mbanin në dorë flamurin kombëtar dhe vallëzuan për disa orë me radhë.

Përgatiti:Dashnim HEBIBI
Foto:Besnik STREZOCA

Legjendat:Pamje nga manifestimi që u organizua në Bulach, për nder të 17 shkurtit, 7 dhe 8 marsit