Ekskluzive

Formohet Grupi i Ekspertëve të Komunës së Bujanocit ?

"Me përfundimin e javës së ardhshme, do të kompletohet edhe Grupi i Ekspertëve nga komuna e Bujanocit" kështu ka thënë për presheva.com burime anonime nga ky grup.
Siç merret vesh, gjatë muajit mars, në këtë Grup janë inkuadruar një numër i madh njerëzish të lëmive të ndryshme, e që në shumicën e rasteve nuk janë figura politike. Kryesisht bëhet fjalë për njerëz të rinj, të cilët kanë mbaruar studimet, por edhe ekspertë me përvojë të lëmive të ndryshme. Përveç ekspertve nga ekonomia, menaxhmenti dhe financat është evidente se në këtë Grup Ekspertësh, i cili është në përfundim e sipër të kompletimit kanë zënë vend edhe numër i konsiderueshëm mjekësh, inxhinierë, juristë, politikologë, profesorë të ndryshëm, njerëz nga jeta kulturore e sportive, nga bota e muzikës, gazetarë dhe aktivistë të dalluar.
Burime të Presheva Com, me kushte anonimiteti tani vetëm se konfirmojnë se shumë politikanë do t’i bashkangjiten këtij Grupi ta pavarur që tashmë janë nëpër parti.
Një burim i afërt me Grupin e Ekspertëve, nuk ka dashur as të pranojë, por as të demantojë se a do të marrë pjesë ky asociacion i pavarur në zgjedhjet e ardhshme lokale dhe ato paralamentare.
Megjithatë, burimi ynë ka lënë të kuptohet se në rast të pjesëmarrjes në zgjedhjet lokale do të krijohet lista e fortë, e cila synim kryesorë do të ketë marrjen e shumicës së këshillatërve në Kuvendin Komunal të Bujanocit.
I njejti burim ka potencuar se Grupi i Ekspertvëe, nëse vendosë të marrë pjesë në zgjedhjet lokale, atëherë të njejtën gjë do të bëjë edhe me zgjedhjet paralmenatre, ku do të marrë pjesë si i vetëm, pa kurrfarë koalicioni paraprak.

(presheva.com)