Partia për Veprim Demokratik

rr. Ramiz Sadiku nr.03

17523 Preshevë

tel/fax.+381/17/660-086

e-mail: riza_halimi@yahoo.com

12.02.2008

P r e sh e v ë

 I N F O R M A T Ë

Me ftesë të Fondit për të Drejtën Humanitare kryetari I Partisë për Veprim Demiokratik njëherit edhe deputet në kuvendin popullor z.Riza HALIMI po merr pjesë në punimet e djeshme dhe të sotme në Beograd, ku po mbahet takimi i tretë Regjional mbi Vërtetimin e fakteve mbi krimet e luftës mbi hapsirat e ish Jugosllavisë.

            Temë e këtij takimi është:

Mekanizmat regjionale dhe perceptimi i së vërtetës mbi krimet e Luftës në hapsirat e ish RSFJ-së.

 Ky takim është organizuar nga

 Fondi për të Drejtën Humanitare nga Beogradi.

Qendra Dokumentare Analitike nga Sarajeva, dhe

Qendra për përballje me të Kaluarën nga Zagrebi.

Në këtë takim përveç një numri të madh të organizatave joqeveritare dhe shoqatave të familjarëve të të zhdukurve nga Bosnja, Kroacia, Serbia dhe Kosova, po marrin pjesë edhe personalitete të ndryshme të institucioneve shtetrore dhe organizatave ndërkombëtare si kryetari i Parlamentit të Serbisë z.Oliver Duliq, Deputeti Slloven në Parlamentin Europian z. Jellko Kacin. Nga Kosova po marrin pjesë pjestarë të familjeve të shum njerëzve dhe familjeve të zhdukura e të vrarë siç janë pjestarët familjes Berisha dhe asaj Gashi nga Suhareka.

Takimin e Hapi drejtoresha e Fondit për të Drejtën Humanitare nga Beogradi zonja. Natasha Kandiq e cila veç tjerash tha se “Përballja me krimin është çelës për të ardhmen”Takimi po i zhvillon punimet në tri grupe punuese tek të cilat po shfaqet një interesim i madh nga pjesëmarrësit.Punimet e ditës së sotshme të këtij takimi regjional sot do t’i kushtohen kryesisht temës: Çfarë përjetuam  ku në këtë temë do të dëshmojnë njerëz nga Kosova.

Nga Qendra Për Informim e PVD-së.