Sot, redaksinë e gazetës kombëtare 'Bota sot' në Cyrih, e vizitoi kryetari i komunës së Bujanocit z.Nagip Arifi, Emrullah Lutfiu kryeshef i Administratës komunale për këtë komunë, Skender Jusufi kryetar i Lidhjes së mërgimtarëve të fshatit 'Tërnoc' me veprim në Zvicër, si dhe Zeqirja Lutfiu anëtar i kësaj shoqate

 
Kryetari i komunës së Bujanocit Nagip Arifi ftoi në panairin bujqësor që do të mbahet prej 7-10 prill në Bujanoc edhe organizatat prestigjioze OSEC DHE HELP

 
Cyrih, 5 shkurt
Duke ditur punën e madhe që ka bërë gazeta kombëtare 'Bota sot', me qendër në Cyrih dhe me redaksitë si motra në Kosovë, Maqedoni, Gjermani dhe SHBA, për pavarësinë e Kosovës që e festuam në atdhe dhe që po festohet me të madhe edhe në Europë dhe botë edhe pse kanë kaluar disa ditë, një delegacion nga Kosova Lindore, vizituan disa qytete të Zvicrës ku është numri më i madh i bashkatdhetarëve të kësaj treve, si dhe bashkatdhetarë të trevave tjera etnike shqiptare, për të festuar një festë të trefishtë, Kosovën e pavarur, 1 dhe 2 marsin e 1992 për ribashkim me Kosovën, si dhe me rastin e një veprimtarie të madhe në të gjitha sferat jetike që ka dhënë Lidhja e Mërgimtarëve të fshatit Tërnoc komuna e Bujanocit, që i ka mbushur më 3 mars jo më pak se 18 vjetë veprimtari edhe ate larg atdheut.Delegacioni nga Kosova Lindore e konkretisht nga komuna e Bujanocit i përbërë nga kryetari i komunës së Bujanocit z.Nagip Arifi, Emrullah Lutfiu kryeshef i Administratës komunale për këtë komunë, Skender Jusufi kryetar i Lidhjes së mërgimtarëve të fshatit 'Tërnoc' me veprim në Zvicër, si dhe Zeqrja Lutfiu anëtar i kësaj shoqate, vizituan redaksinë tonë në Cyrih, ku i mirëpriti redaktori Mr.Llukman Halili.Gjatë vizitës miqësore, redaksia jonë u falënderuar nga musafirët, për kontributin e madh që e ka dhënë editori dhe stafi i kësaj gazete për të gjitha situatat që ka përjetuar kombi ynë, për këtë pavarësi si dhe që po i jepet hapësirë të mjaftueshme në faqet e kësaj gazete edhe Preshevës, Bujanocit dhe Medvegjës.Kryetari i komunës së Bujanocit, e njoftoi z.Halilin, se vizita e tij me delegacionin nga Bujanoci është mirëpritur mirë nga bashkatdhetarët e shumtë të Kosovës Lindore si dhe ka realizuar edhe disa takime miqësore me karakater pune edhe me miqë zvicerian përgjegjës të organizatave Osec dhe Help që merren me prodhimet që importohen nga shtete tjera të Europës dhe botës për në Zvicër.Me këtë rast z.Arifi tha se:'Kam ftuar me respekt edhe përfqësuesit e këtyre dy organizatave apo kompanive që të marrin pjesë në panairin bujqësor që do të mbahet më 7 prill dhe do të zgjasë deri më 10 prill.Në këtë panair me karakter të gjerë dhe shumë të rëndësishëm për rajonin, do të marrin pjesë rreth 60 prodhues nga vende fqinje si dhe Bullgaria pa përjashtuar edhe përfaqësues nga shteti më i ri i europës dhe botës pra Kosova.

Takimi me dy organizatat ishte shumë miqësor dhe presim edhe ndihma të ndryshme miqësore në fushat që i duhet për momentin Bujqanocit, pra përfaqësuesi i organizatës OSEC Franciska Staubli Asobayire, e mirëpriti këtë takim miqësor dhe ishte falënderues për ftesën që ia bëmë.Ndërsa organizata Help, e cila financohet nga qeveria zviecerane dhe gjermane, ku ndihmonë ata bashkëkombas që fillojnë biznesin me kredi të ndryshme dhe të favorshme. Vitin e kaluar kemi ndajtur 60 grante, vlera ka qenë e përgjitshme 70.000 euro ku 20 mijë euro i kemi ndajtur nga buxheti i Komunës sonë dhe tjetrën pra me 50.000 euro qeveria zviceriane.Kemi bashkëpunim të mirë me Ambasadën Zvicerane në Beograd, ku deri më tash na ka ndihmuar për renovimin e Shtëpisë së shëndetit në fshatin Breznicë, Mohoc dhe në një fshat serb.Prandaj e përshëndesim këtë shtet dhe i dëshirojmë gjitha të mirat, u jemi shumë mirënjohës që po kujdeset për humanitet edhe sot e kësaj dite dhe e cila në situatat më tragjike që ka përjetuar kombi ynë është treguar solidar dhe tani e tregoi edhe njëherë veten me rastin e pranimit të pavarësisë së Kosovës.Me delegacionin tonë është edhe menaxheri i komunës sonë z.Nexhat Shaqiri i cili po kontribuon në këtë drejtim shumë suksesshëm'.Njëherit z.Arifi, u ndal së veçuari edhe për mikëpritjen që ia kanë bërë bashkatdhetarët e komunës së Bujancit, për tri festat që i festuam së bashku, ku ishte një organizim i mirëfilltë dhe e përgëzoi z.Skenderin për punën që është duke bërë në krye të Lidhjes së Mërgimtarëve të fshatit Tërnoc.Edhe kryeshefi i administratës kumunale të fshatit Bujanoc z.Emrullah Lutfiu, falënderoi gazetën 'Bota sot' për punën që po bënë dhe me këtë rast ia dhuroi një dhuratë mirënjohjeje stilolaps nga Bujanoci e konkretisht nga vendlindja e Mr.Llukman Halilit.Ku z.Halili e falënderoi nga zemra dhe tha se u është mirënjohës për këtë vizitë dhe për mirënjohjen.Z.Halili vazhdoi më tej se:'Situatën pas pavarësisë së Kosovës që po mbretëron dhe që do të mbretëroj në Kosovën Lindore duhet menaxhuar me sukses dhe me hapa të kujdesshëm e pa nxitim dhe me shumë gajkftohtësi, që të mos bien pre e provokimeve serbe.Në këtë rast, duhet ti jepni hapësirë edhe më shumë shkollimit, ti jepni hapësirë dhe ti ndihmoni të rinjëve tanë që dëshirojnë të studiojnë.Padyshim, se edhe uniteti na duhet më shumë se kurrë, në këto momente sa dramatike edhe aq historike.Shpresojë se kontaktet e bashkëpunimit me qeverinë e Shqipërisë dhe Kosovës, duhet mbajtur gjithnjë dhe me subjektet politike shqiptare që veprojnë në Maqedoni dhe Mal të Zi'.Ndërsa z.Skender Jusufi, kryetar i Lidhjes së Mërgimtarëve të fshatit Tërnoc, u nda shumë i kënaqur me pjesmarrjen e delegacionit nga Bujanoci ku tha ndër të tjera se:'Z.Nagip Arifi me bashkëpunëtor, po tregon qartë se mërgimtarët nuk do ti harrojë.Pjesmarrja e këtij delegacioni na ka madhështuar edhe më shumë festën e trefishtë që patëm.'Në fund nga njoftoi z.Nagip Arifi, se kishte realizuar edhe një takim me bashkatdhetarë të shumtë në Grenchen të Solothurnit, ku ishin pjesmarrës një numër i madh i bashkatdhetarëve dhe i njoftoi me situatën aktuale që po mbretëron në Kosovën Lindore.Takimi i sotëm ishte shumë miqësor.Ky delegacion pritet që të kthehet nesër për në Bujanoc.Ne me kryetarin e komunës së Bujanocit zhvilluam edhe një intervistë, ku ju ftojmë që të përcjillni në numrin e ardhshëm të gazetës sonë, ku z.Arifi, na ka folur për situatën e sigurisë që po mbretëron në tre komunat e Kosovës Lindore pas statusit të Kosovës, për unitetin e partive politike në këtë situatë, për policinë multietnike, ku do të jetë Kosova Lindore, Lugina apo? dhe për shumë gjëra tjera të rëndësishme.

Përgatiti:Dashnim Hebibi