Qeveria austriake edhe në të ardhmën do të vazhdoj përkrahjen e zhvillimit ekonomik në komunën e Bujanocit

Bujanoc, 19 mars

            “Kur flasim për zgjedhjet parlamentare dhe ato lokale është shumë e rëndësishme që popullata që jeton këtu të merr pjesë në zgjedhjet e parapara më 11 maj”, ka thënë sot zëvendës ambasadorja e Austrisë në Beograd Ulrike Harman, pas takimit që pati me prefektin e komunës së Buajnocit Nagip Arifi dhe deputetin popullor Riza Halimin.

            Hartman gjithashtu ka potencuar se vetëm me pjesëmarrje mund të përfaqësohen interesat e qytetarëve në organet shtetërore.

Gjatë takimit të sotëm që kanë zhvilluar prefekti Arifi dhe deputeti Halimi me zëvendës ambasadoren e Austrisë në Beograd Ulrike Hartman është biseduar edhe rreth çështjes së Kosovës dhe situatës ekonomike në rajonin tonë.

Sipas zëvendës Ambasadores Hartman Qeveria Austriake edhe më tej do të vazhdojë përkrahjen e zhvillimit ekonomik në këtë rajon.

Hartman gjithashtu ka potencuar se investimet bilaterale janë vetëm një hap por ajo çka duhet të vazhdojë janë investimet direkte edhe nga kompanitë.

Prefekti Arifi pas këtij takimi është shprehur se, kemi marrë një garancion nga zëvendës ambasadorja e Austrisë në Beograd se Qeveria Austriake edhe në të ardhmen do të bashkëpunoj me pushtetin lokal përmes Ambasadës dhe ti financojë projektet që janë në realizim e sipër.

            Prefekti Arifi gjithashtu u shpreh se problemet e pazgjidhura në Kosovën Lindore mund të zgjidhen vetëm me dialog dhe në as një mënyrë me përdorimin e forcës.

            Qeveria Austriake është njëra ndër financierët më të mëdhenj të programit MIR2 në Luginë të Preshevës

Mukarrem Ahmeti