Udhëheqësit e komunës së Bujanocit takojnë maturantët e SHM "Sezai Surroi"

24 prill, Bujanoc (presheva.com) - Përfaqësuesit politik e institucional të Bujanocit vizituan shkollën e mesme" Sezai Surroi "në Bujanoc me rastin e udhëtimit të maturantëve të kësaj qendreje arsimore për në shtetin Shqipërisë.Me këtë rast para maturantëve fjalën e rastit e mori Xhevat Fejzullahu drejtor i po kësaj shkolle , Nagip Arifi prefekt i Bujanocit , nënkryetari i Partisë për Veprim Demokratik Shaip Kamberi , Nehat Aliu kryeshef i drejtoratit për shërbime publike dhe veprimtari shoqërore.
Gjatë këtij takimi me maturantët e shkollës së mesme" Sezai Surroi" ata i uruan udhëtim të këndshëm gjatë eskursionit të tyre në Shqipëri.Po ashtu maturantëve i premtuan se do ti ndihmojnë në regjstrimin për studime në univeristetet e Shqipërisë.

Prefekti i Bujanocit Nagip Arifi theksoi se qëllimi i kësaj vizite ishte që ti vzitojmë maturantët e shkollës së mesme" Sezai Surroi" , të cilët ,do të udhëtojnë për në ekskursion në Durrës. Pik së pari qëllimi ynë ishte ti dëshirojmë rrugë të mbarë , po ashtu biseduam me maturantët se ku ata kanë dëshirë që të regjistrohen për studime , në universitetin e Shqipërisë , Tetovës apo të Prishtinës .Ne do ti bëjmë përgatitjet për sa i përket konkurimit në këto universitete ku do ti ndihmojmë atyre për tu regjtruar nëpër universitete të ndryshme.Ne po ashtu edhe i njoftuam ata se buxheti komunal i Bujanocit ka gjashtë vite që ndanë bursa për stundent.Po edhe këta maturant të cilët do të fillojnë studimet në vitin akademik 2008/09 do të iu ndajmë bursa studentore sepse rinia është ardhmëria e Bujanocit .

Ndërkaq nënkryetari i PVD-së Shaip Kamberi theksoi se kjo ishte një vizitë rutinore në shkollën e mesme" Sezai Surroi " , ishte një takim me nxënësit e viteve të katërta që po arrijnë moshën e pjekurisë , ata që po arrijnë të drejtën e votës .Ishte një motivim nga ana jonë se ata kanë arritur të drejtën më të rëndsishme në jetën e njeriut, këtë të drejtë që do ta fitojnë gjatë këtij muaji . Të shfrytëzojnë të drejtën e tyre me 11 maj duke votuar subjektet shqiptare.
Qëllimi ynë ka qenë që ti motivojmë votuesit tanë të rinjë që përmes votës së tyre të 11 majit ta ruajnë substancën kombëtare shqiptare , ta rujnë ardhmërinë e Bujanocit.
Nehat Aliu kryeshef i drejtoratit për shërbime publike dhe veprimtari shoqërore para maturantëve theksoi se ne kemi dhënë një kontribut në përmirësimin e infrastrukturës së kësaj shkolle me ndërtimin e objektit të ri, po ashtu do të mundohemi që edhe në të ardhmen të punojmë në këtë drejtim .

Xhevat Fejzullahu sqaroi se komuna Komuna e Bujanocit ua ka mundësuar pesë nxënsësve që të udhëtojnë për në Durrës .

Në agjendën e këtij udhëtimi sipas drejtorit Fejzullahu do të vizitohen edhe disa nga universitetet e Shqipërisë.
Por për këtë udhëtim kanë kontribuar edhe vetë nxënësit e kësaj qendreje arsimore duke organizuar mbajtjen e një çfaqeje , me çratst të hollat që janë fituar nga kjo çfaqeje iu janë dedikuar për dërgimin edhe të maturantëve të cilët nuk kanë mundësi të udhëtojnë në Shqipëri.

Rijad Demiri RTV-Aldi