Të rinjtë nga Presheva dhe Bujanoci vizitojnë Beogradin dhe Novi Sadin



Një grup i përbërë nga 30 të rinj nga Presheva dhe Bujanovci ishin për një vizitë në Beograd dhe Novi Sad. Si pjesë e vizitës që e organizoi Nisma e të rinjve për të drejtat e njeriut, ata vizituan edhe ndërtesën e Parlamentit popullor.

Pas vizitës në ndërtesën e Parlamentit, të rinjtë nga Bujanovci dhe Presheva, në mesit e të cilëve kishte dhe anëtarë të partive politike dhe sektorit joqeveritarë, kanë folur me Riza Halimin, deputetin e pakicës shqiptare ne Parlament.

Grupin e të rinjve e ka mirëpritur dhe drejtori i RTV B92, Sasha Mirkoviq. Me pas në qendrën për dekontaminim kulturor u organizua dhe takimi me ambasadorët e Britanisë së madhe E.T. Stephen John Wordsworth dhe atë të Shteteve të Bashkuara të Amerikës, E. T. Cameron Munter në Serbi. Ambasadorët e përkrahën këtë aksion dhe u bënë thirrje të rinjve të Preshevës dhe Bujanovcit që ti shfrytëzojnë të drejtat e tyre duke votuar me 11. Maj dhe te bëhen qytetarë shoqëror aktiv.

Pas bisedës me ambasadorët, grupi e vizitoi dhe qendrën rinore të Partisë Liberal Demokratike, si dhe zyrat e Fondit për të drejtën humanitare dhe te Nismës së të rinjve për të drejtat e njeriut. Drejtori i Nismës të rinjve për të drejtat e njeriut, Andrej Nosov, me ketë rast theksoi se integrimi i shqiptarëve në shoqërinë serbe është i rëndësishëm në këtë moment kur vërehet një rritje e përgjithshme e jotolerancës. “Serbia duhet të mësoj nga gabimet e së kaluarës dhe të largohet nga politika e Millosheviqit. Pushteti duhet të bëj çdo gjë qe qytetarët e komunave të Preshevës dhe Bujanovcit të mos trajtohen si armiq dhe qytetarë të rendit të dytë. Me politikë anti-shqiptare Serbia kurrë s’do të hyj në familjen evropiane të shoqërive qytetare” theksoi Nosov.

Grupi i të rinjve gjatë ditëve në vijim do të njoftohet me punën e disa organizatave në Novi Sad dhe do të marrë pjesë në trajnimin për aktivizëm për aksione lokale në komunat e tyre. Për shumicën e pjesëmarrësve nga Presheva dhe Bujanovci kjo ishte vizita e parë në Beograd

Në përiudhën vijuese, Nisma e të rinjve për të drejtat e njeriut do ta fokusojë një pjesë të konsiderueshme të aktivitetit të vet në komunat e Preshevës dhe Bujanovcit, duke theksuar integrimin e të rinjve në jetën shoqërore dhe politike ne ato komuna por dhe në Serbi, por edhe duke theksuar bashkëpunimin më intensiv të banorëve të këtyre komunave dhe Beogradit.
Këtë projekt e ka përkrahur ambasada e Britanisë së madhe ne Beograd.

Abdulla AHMETI