LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë
 

MË NË FUND AI “BOZHURI 50”

Në datën 10 Mars 2010 në Gjyqin e Qarkut në Beograd do të vazhdojë gjykimi kundër nëntë, përkatësisht shtatëmbëdhjetë shqiptarëve nga Lugina e Preshevës të akuzuar për krime lufte ndaj serbëve, romëve dhe ndonjë shqiptari spiun. Prokuroria për krime lufte e Republikës së Serbisë, përkatësisht Dhoma e krimeve të luftës ka ngritur Aktakuzën në datën 25 Qershor 2009 dhe gjykimi kundër djemve tanë ka filluar në datën 23 Shtator 2009. Janë mbajtur njëzetenjë ditë gjykim dhe janë dëgjuar pesëmbëdhjetë dëshmitarë, trembëdhjetë të Prokurorisë dhe dy të palës mbrojtëse. Nga të gjithë këta, tetë ishin dëshmitarë të mbrojtur.

Dhe më në fund i vie radha atij kryesorit, të cilin e kanë kurdisur organet përkatëse të qeverisë serbe në Beograd, ai që i rëndon më së shumti që të shtatëmbëdhjetët, ai që mundohet ta nxjerrë në tavolinën e krimeve tërë Ushtrinë Çlirimtare të Kosovës, ai që mundohet ta kriminalizojë tërë Luginën e Preshevës, “shqiptari” nga komuna e Preshevës e që nofka mbrojtëse e tij është “BOZHURI 50”.



26 02 2010
Preshevë
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

GJYKIMI VAZHDON PAS NJË MUAJI
- NGATËRROHET EDHE B1-

Nën ingerencën e Prokurorisë për krime lufte të Republikës së Serbisë, Gjyqi i qarkut në Beograd, nën udhëheqjen e kryetares së trupit gjykues Snezhana Nikoliq Garotiq, ka thënë sot se gjykimi kundër nëntë, përkatësisht shtatëmbëdhjetë shqiptarëve të Luginës së Preshevës do të vazhdojë në datën 10 Mars 2010. Kidnapimi i nëntë të parëve u bë në datën 26 Dhjetor 2008. Aktakuza kundër tyre u ngrit në datën 25 Qershor 2009 derisa gjyqi filloi në datën 23 Shtator 2009.
Ishte sot, 10 Shkurt 2010, dita e njëzetenjëtë e këtij gjyqi kundër djemëve tanë të cilët gjenden nën akuzën për krime lufte ndaj serbëve, romëve dhe ndonjë shqiptari spiun e që i paskan kryer në periudhën kohore mesi i Qershorit-fundi i Tetorit 1999 në Gjilan e rrethinë. Në aktakuzë ata potencohen si “Grupi i Gjilanit”
Ashtu si edhe ishte paralajmëruar më parë sot para këtij gjyqi doli dëshmitari i mbojtur B1, i nacionalitetit serb nga Gjilani. Ai së pari në një sallë të veçantë përmes paravanit tentoi të identifikojë ndonjërin nga të akuzuarit derisa arriti të “identifikojë” vetëm njërin por më vonë u pa se të njetin e kishte ngatërruar me dikë krejt tjetër dhe në fund, si edhe gjithë “dëshmitarët” tjerët të prokurorisë dështoi.
Fare në fund, përpos datës 10 Mars 2010 si ditë e vazhdimit të gjykimit nuk u tha gjë tjetër.
Se çfar do të ketë në 10 Mars e mëtej do të lajmërojnë javën e ardhshme.



10 02 2010
Preshevë
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

BABAI I AGUSH MEMISHIT NË BISEDË INFORMATIVE NË VRANJË

Sot rreth orës 10,30, policia e Preshevës me dy makina civile kanë shkuar në shtëpinë e Shefki Memishit, babait të Agushit (njëri nga nëntë të burgosurit në burgun e Beogradit) dhe i kanë dorëzuar ftesën e dërguar nga policia e Vranjës, Departamenti i Policisë Kriminalistike, që po sot në orën 11,00 të paraqitet në zyrën e tyre në Vranjë.
Edhe pse është mbajtur më tepër se tri orë ai për asgjë konkrete nuk është pyetur pa i ikur faktit se Inspektori përkatës ka pasur sjellje korrekte.
Në fund nga Shefki Memishi është kërkuar që tre djemtë e tij Demushi, Shkodrani dhe Albani të paraqiten nesër në të njetën zyrë në Vranjë.
Krejt në fund i është thënë se kjo ftesë nuk ka të bëjë me rastin e gjykimit që po zhvillohet kundër djalit të tij Agushit dhe tetë të tjerëve në Beograd.


Megjithatë indikacionit nuk mund ti shmangemi dot.



10 02 2010
Preshevë
LKSH
Orhan Rexhepi

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

DY DËSHMITARËT E RADHËS

E THONË TË VËRTETËN

          Sot në datën 9 Shkurt 2010, në Gjykatën e qarkut në Beograd ka vazhduar gjykimit kundër Agush Memishit, Faton Hajdarit, Ahmet Hasanit, Nazif Hasanit, Samet Hajdarit, Ferat Hajdarit, Kamber Sahitit, Selimon Sadikut dhe Burim Fazliut, të cilët Prokuroria për Krime Lufte e Republikës së Serbisë i akuzon për krime ndaj serbëve, romëve dhe ndonjë shqiptari spiun, në periudhën kohore mesi i Qershorit fundi i Tetorit 1999, “të kryera” këto në Gjilan e rrethinë.

          Radha ishte e dy dëshmitarëve të nacionalitetit rom nga Gjilani, Hisen Hiseni dhe Shefik Alishani. Ata sqaruan detajisht se çfar në të vërtetë kishte ndodhur, se gjatë vitit 1999 në Gjilan e rethinë nuk kishte pasur vrasje masive as të serbëve, as të romëve e as të tjerëve. Ata thanë se nuk kishte pasur përdhunime fare gjatë kësaj periudhe kohore. Gjithashtu thane se askush nuk i kishte shpërngulur me dhunë as serbët as edhe romët. Sipas tyre shumica e romëve që ishin larguar nga Gjilani, i kishin shitur shtëpitë e tyre në këtë qytet për ti blerë ato dy-tri here më lirë gjetiu.

NUK KISHIN DËGJUAR FARE

SE KISHTE NDODHUR ÇFARDOQOFTË

NË KONVIKTIN E STUDENTËVE NË GJILAN

          Për nesër u tha se radhën e ka dëshmitari i mbrojtur B1, i nacionalitetit serb po nga Gjilani.

         Dhe do të shihet se a do të jetë ky “dëshmitari” i fundit para “DËSHMITARIT” kryesor “BOZHUR 50”.

09 02 2010

Preshevë

LKSH

Orhan Rexhepi

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

GJYKIMI KA VAZHDUAR SOT

B2 KOMPLIKOHET

           Sot është dita e parë për këtë vit e vazhdimit të gjykimit kundër nëntë, përkatësisht shtatëmbëdhjetë shqiptarëve të Luginës së Preshevës të cilët prokuroria për krime lufte e Serbisë i ka akuzuar për krime ndaj serbëve, romëve e ndonjë shqiptari spiun. Edhe pse ky vazhdim ishte paraparë për javën e kaluar, ishte shtyrë me arsyetimin se Nazif Hasani ishte dërguar për egzaminim psikiatrik në spitalin e burgut.

           Gjyqi i qarkut në Beograd nën udhëheqjen e kryetares së Trupit gjykues Snezhana Nikoliq Garotiq ka nxjerrë sot dëshmitarin e mbrojtur B2, të nacionalitetit serb, i cili “dëshminë” e tij e kishte filluar në datën 18 Dhjetor 2009. Gjatë ditës së sotit B2 është ngatërruar disa here me data dhe me emra prandaj edhe ka përfunduar si të gjithë të tjerët deri tash.

           Nesër vazhdohet me dy dëshmitarët e mbrojtjes, që të dy të nacionalitetit rom nga Gjilani.

08 02 2010

Preshevë

LKSH

Orhan Rexhepi

TË BURGOSURIT VIZITOHEN PËR HERË TË TRETË

Orhan Rexhepi, Kryetar i LKSH-së, njëherit edhe këshilltarë i Kuvendit komunal në Preshevë dhe Atulla Rexhepi, anëtarë i Kryesisë së BDL-së si dhe anëtarë i Këshillit për të Drejtat e Njeriut në Preshevë, vizituan sot në burgun qendror të Beogradit Agush Memishin, Faton Hajdarin, Ahmet Hasanin, Nazif Hasanin (ndodhet ende në spitalin e burgut), Samet Hajdarin, Ferat Hajdarin, Kamber Sahitin dhe Selimon Sadikun por jo edhe Burim Fazliun të cilin ditë më parë e kanë transferuar në një burg tjetër.

U pa qartë se për dallim nga dy herët e tjera u vërejtë një vendosmëri edhe më e madhe tek ta.

Prokuroria serbe për krime lufte i akuzon ata për krime ndaj serbëve, romëve dhe ndonjë shqiptari spiun se i paskan kryer nga mesi i Qershorit e deri në fund të Tetorit 1999 në Gjilan e rrethinë. Janë kidnapuar në 26 Dhjetor 2008, janë malltretuar çnjerëzisht, edhe fizikisht edhe psiqikisht. Aktakuza kundër tyre është ngritur në 25 Qershor 2009, gjykimi ka filluar në 23 Shtator 2009 e me gjasë do të vazhdojë në 8 Shkurt 2010.



5 02 2010
Preshevë

             REFUZOHET KËRKESA E MBROJTJES PËR MBROJTJE NË LIRI

 DËSHMITARËT E MBROJTJES INJOROHEN NGA GJYKATA

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

EDHE A3 DËSHTON

          Ka qenë sot dita e katërt e kësaj jave në Gjyqin e qarkut në Beograd, ku po zhvillohet procesi gjyqësor kundër nëntë, përkatësisht shtatëmbëdhjetë shqiptarëve të Luginës së Preshevës nën akuzën për krime lufte ndaj serbëve dhe joshqiptarëve të tjerë, akuzë kjo që i ngarkon për vrasjen dhe masakrimin e, së pari 51, pastaj 59 dhe së fundi 80 serbëve, romëve dhe ndonjë shqiptari spiun të komunës së Gjilanit, "të kryera" këto në periudhën kohore mesi i Qershorit-fundi i Tetorit 1999.

          Sot deklaratën e tij e ka dhënë  dëshmitari i mbrojtur A3. Ai nuk ka arritur të thotë asgjë konkrete, por edhe në tentim-identifikimin ka dështuar plotësisht.

          Pastaj me insistimin e zëvendës-prokurorit Mirolub Viktoroviq, dhe me aprovimin e kryetares së Trupit gjykues Snezhana Nikoliq Garotiq, në gjykatë është rikthyer dëshmitarja e mbrojtur C2, rome nga Gjilani, dhe përsëri ka provuar të bëjë identifikimin e të akuzuarëve, dhe përsëri është ngatërruar.

          Data e vazhdimit të ardhshëm të gjykimit është caktua 17 Dhjetori 2009.

10 12 2009

Preshevë

LKSH

Orhan Rexhepi

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

A1 TËRHIQET A2 KOMPLIKON

           Edhe sot (9 12 2009), në Gjyqin e qarkut në Beograd ka vazhduar gjykimi kundër nëntë shqiptarëve nga Presheva, të cilëve Prokuroria për krime lufte e Republikës së Serbisë i ka ngritur  AKTAKUZË për “krime të kryera” ndaj serbëve dhe joshqiptarëve të tjerë në Gjilan e rrethinë gjatë periudhës kohore mesi i Qershorit-fundi i Tetorit 1999.

           Dëshmitarja e mbrojtur C2, e nacionalitetit rom nga Gjilani është lënë për ndonjë ditë tjetër pa ndonjë arsye të veçantë edhe pse gjithçka është përfunduar me të.

            Për sot ishin paralajmëruar dëshmitarët e mbrojtur serb A1 dhe A2, edhe këta nga Gjilani, por A1 është tërhequr dhe nuk ka dashur të dëshmojë fare derisa A2 ka kërkuar trajtim special pa dhënë asnjë arsyetim dhe si pasojë dita e sotme e gjykimit ka përfunduar shpejtë.

            Nesër në radhë janë edhe dy dëshmitarë tjerë të mbrojtur A3 dhe A4, edhe këta serb nga Gjilani.

9 12 2009

Preshevë

LKSH

Orhan Rexhepi

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

C2 NGATËRROHET PLOTËSISHT

        Në Gjyqun e qarkut në Beograd, ka vazhduar edhe sot (8 12 2009) gjykimi kundër nëntë djemëve nga Presheva, të akuzuar për krime lufte ndaj serbëve dhe joshqiptarëve të tjerë në Gjilan e rrethinë në periudhën e caktuar kohore gjatë vitit 1999.

        Ashtu siç ishte parajmëruar, dëshmitarja e mbrojtur rome C2, tentoi të bëjë identifikimin eventual përmes fotografive por natyrisht se dështoi plotësisht ngase në fakt është dëshmitare e rrejshme. Ajo, sa here që kapej në gënjeshtrat e saja nga pala mbrojtëse, shtirej se nuk ishte mire. Në fund u ngatërrua tërësisht, por megjithatë Trupi gjykues i ka lënë hapsirë të shkurtër kohore edhe për nesër. Po nesër,  janë në radhë edhe dëshmitarët e mbrojtur serb A1, A2, A3, A4 dhe A5, të gjithë nga Gjilani.

08 12 2009

Preshevë

LKSH

Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

DËSHTON EDHE DËSHMITARJA C2

Sot (7 12 2009) pas rreth një muaj pauze, në Gjyqin e qarkut në Beograd, ka vazhduar gjykimi kundër AGUSH MEMISHIT, FATON HAJDARIT, AHMET HASANIT, NAZIF HASANIT, SAMET HAJDARIT, FERAT HAJDARIT, KAMBER SAHITIT, SELIMON SADIKUT dhe BURIM FAZLIUT, të akuzuar për krime lufte ndaj serbëve dhe joshqiptarëve të tjerë, “KRIME” këto të kryera në qytetin e Gjilanit me rrethinë gjatë periudhës kohore mesi i Qershorit-fundi i Tetorit 1999.
Gjyqi ishte ndërprerë më 5 11 2009 pas reagimit të ashpër të palës mbrojtëse nga shkaku i dyshimit se dëshmitarja e mbojtur C2, e nacionalitetit rom nga Gjilani, menjëherë kishte filluar të lexojë “deklaratën e saj” brendapërbrenda paravanit.
Sot e njëjta kjo, në mungesë të tekstit të shkruar ka folur çdo gjë çartur, pa e dhënë as edhe një dëshmi konkrete për ndonjë përdhunim eventual ndaj saj apo edhe ndonjë femre tjetër të nacionalitetit rom nga komuna e Gjilanit gjatë vitit 1999.
Nesër, është thënë se do të vazhdohet me po të njejtën dëshmitare. Asaj i ka mbetur të bëj vetëm indentifikimi përmes fotografive. Pastaj qysh nesër do të vazhdohet me dëshmitarët e tjerë të mbrojtur, tash të nacionalitetit serb, edhe këta nga komuna e Gjilanit.



7 12 2009
Preshevë
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

TË HËNËN VAZHDON GJYKIMI

Në Gjyqin e Qarkut në Beograd, Prokuroria për krime lufte e Republikës së Serbisë, nën udhëheqjen e Trupit gjykues me në krye kryetaren Snezhana Nikoliq Garotiq kanë caktuar të Hënën e datës 7 Dhjetor 2009 për vazhdimin e gjykimit i cili po bëhet kundër nëntë, përkatësisht shtatëmbëdhjetë shqiptarëve të Luginës së Preshevës nën akuzën për krime lufte kundër serbëve dhe joshqiptarëve të tjerë, “të kryera” këto në komunën e Gjilanit gjatë periudhës kohore mesi i Qershorit-fundi i Tetorit 1999.
Aktakuza kundër AGUSH MEMISHIT, FATON HAJDARIT, AHMET HASANIT, NAZIF HASANIT, SAMET HAJDARIT, FERAT HAJDARIT, KAMBER SAHITIT, SELIMON SADIKUT dhe BURIM FAZLIUT por edhe tetë të tjerëve që nuk janë në arrest, është ngritur më 25 Qershor 2009 dhe gjyqi kundër tyre ka filluar në datën 23 Shtator 2009.
Për të Hënën është paraparë të vazhdohet me dëshmitaren e tetë, dëshmitarja e dytë e mbrojtur C2 e nacionalitetit rom nga Gjilani. Pastaj janë caktuar edhe datat 8 dhe 9 Dhjetor 2009 me dëgjimin e dëshmitarëve të tjerë.
Janë të paralajmëruar edhe tetë dëshmitarë deri në fund.



05 12 2009
Preshevë
LKSH
Orhan Rexhepi

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

TË BURGOSURIT VIZITOHEN NGA LKSH-ja

     Lëvizja Kombëtare Shqiptare vizitoi sot në burgun qendëror të Beogradit nëntë të burgosurit shqiptarë, të gjithë nga Presheva, të kidnapuar më 26 Dhjetor 2008 nga ana e xhandarmërisë serbe.

     Në delegacionin e LKSH-së ishin Kryetari i saj Orhan Rexhepi pastaj Alifet Nuredini i cili gjithashtu është edhe këshilltarë në Kuvendin komunal të Preshevës si dhe Aktivisti i denjë i këtij subjekti Selami Memishi.

     U vërejt qartë se Agush Memishi, Faton Hajdari, Ahmet Hasani, Nazif Hasani, Samet Hajdari, Ferat Hajdari, Kamber Sahiti, Selimon Sadiku dhe Burim Fazliu tashmë ishin rikuperuar krejtësisht nga pasojat e  veprimeve brutale të ushtruara nga ana e organeve përkatëse serbe. ATA tashmë kanë besim të plotë në vendosmërinë e tyre, besim të plotë se drejtësia megjithatë do të dale në shesh, sepse thjeshtë  JANË TOTALISHT TË PAFAJSHËM.

     Koordinimi i deritashëm i tyre perfekt me Avokatët mbrojtës gjatë procesit gjyqësor tregon qartë se në ç’drejtim po ecin punët. Atyre iu tha se vetëm duhet të vazhdojnë mënyrën e procesuimit të deritashëm të mbrojtjes dhe se shumë lehtë mund të dalë e vërteta në sipërfaqe mu ashtu siq doli me gjashtë dëshmitarët e pare të përzgjedhur nga ana e Prokurorisë serbe.

     ATA PËRSHËNDETËN TË GJITHË NJERËZIT E MIRË TË LUGINËS SË PRESHEVËS  . . .

6 Nëntor 2009

LKSH Preshevë

LËVIZJA KOMBËTARE SHQIPTARE

Albanian National Movement

orhan_rexhepi@live.com

Preshevë

DYSHIMI I AVOKATËVE MBROJTËS

Në Gjyqin e Qarkut në Beograd ka vazhduar edhe sot gjykimi kundër shqiptarëve të Luginës së Preshevës, nëntë prapa grilave në burgun qendror të Beogradit ndërsa tetë të tjerë të lirë nëpër qytetet e Republikës së Kosovës përpos Shefket Musliut i cili ndodhet në burgun e Dubravës.

Pas dëshmitares së mbrojtur C1, e nacionalitetit rom, e cila për dy ditë rresht u çarmatos tërësisht para mbrojtjes dhe të akuzuarëve, sot para Trupit gjykues është paraqitur dëshmitarja e dytë e mbrojtur e pokëtij nacionaliteti nën shifrën C2, edhe kjo nga komuna e Gjilanit. Avokatët e mbrojtjes që në nismë kishin filluar të dyshonin se ajo po lexonte diçka brendapërbrenda kabinës së saj kamufluese prandaj edhe reagimi i tyre kishte qenë i ashpër dhe si pasojë dy prej tyre janë dënuar menjëherë me dënime-gjoba nga ana Trupit gjykues gjë e cila ka përfunduar me ndërprerjen e gjyqit për sot.

Ishte paraparë që gjyqi kundër djemëve tanë të vazhdojë në datat 9, 10 dhe 11 Nëntor 2009 por ai u shty nga shkaku se gjatë javës së ardhshme do të ketë grevë të avokatëve në tërë Serbinë prandaj kryetarja e Trupit gjykues Snezhana Nikoliq caktoi datat 7, 8 dhe 9 Dhjetor 2009 për vazhdimin e gjykimit me po të njejtën dëshmitare.

05 11 2009

Preshevë

LKSH

Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
PRESHEVË

KOORDINIMI MES MBROJTJES DHE TË AKUZUARËVE

Sot më 04 Nëntor 2009, në Gjyqin e qarkut në Beograd ka vazhduar gjykimi kundër nëntë, përkatësisht shtatëmbëdhjetë shqiptarëve nga Presheva dhe Bujanoci të akuzuar se kanë kryer krime lufte kundër serbëve dhe joshqiptarëve të tjerë në Gjilan e rrethinë gjatë periudhës kohore Qershor-Tetor 1999.
Edhe sot tërë ditën u vazhdua me dëshmitaren e mbrojtur C1, e nacionalitetit rom nga Gjilani edhepse pritej se me të do të përfundohej shpejtë. Këmbëngultësia e prokurorit, pas koordinimit të avokatëve mbrojtës dhe të akuzuarëve megjithatë rezultoi në shëndrrimin e saj nga dëshmitarja e mbrojtur në dëshmitare total të rrejshme.
Nesër, u tha se do të vazhdohet me dëshmitaren tjetër të mbrojtur, C2, poashtu nga Gjilani, poashtu e nacionalitetit rom.



04 11 2009
Preshevë
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
PRESHEVË

GJYQI ISHTE SOT I MBYLLUR

Trupi Gjykues, në Gjyqin e Qarkut në Beograd mori vendim që gjyqi kundër nëntë, përkatësisht shtatëmbëdhjetë shqiptarëve të Luginës së Preshevës, të akuzuar për krime lufte ndaj serbëve dhe joshqiptarëve të tjerë të vazhdojë sot me dëgjimin e dëshmitarëve jashtë syve të opinionit, pra i mbyllur.
Edhe pse dy dëshmitaret e mbrojtura C1 dhe C2, rome nga Gjilani, nga ana e kësaj gjykate më herët ishin refuzuar për dëshmitë e tyre të mundshme ato megjithatë papritmas dje u paralajmëruan për të dhënë “dëshmitë” e tyre dhe me kërkesën e palës mbrojtëse për shtyerje njëditëshe njëra prej tyre (C1) sot doli para trupit gjykues.
Informatat flasin se ajo doli dëshmitare e montuar dhe se gjatë ditës së sotme çdo fjalë e saj ka dalë huq.
Nesër është paralamëruar se do të përmbyllet me këtë dëshmitare dhe se do të vazhdohet me dëshmitaren tjetër të mbrojtur C2.



03 11 2009
Preshevë
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
PRESHEVË

GJYKATA SERBE ESKIVON

Sot, më datë 02 Nëntor 2009, në Gjyqin e Qarkut në Beograd është dashur të vazhdojë gjykimi kundër nëntë, përkatësisht shtatëmbëdhjetë shqiptarëve nga Presheva e Bujanoci, të akuzuar për krime lufte ndaj serbëve dhe joshqiptarëve të tjerë të cilat kinse i kanë kryer gjatë periudhës kohore Qershor-Tetor 1999 në Gjilan e rrethinë.
Për këtë ditë, si dhe për tri ditët e ardhshme nga ana e trupit gjykues ishin paralajmëruar dëshmitarët e mbrojtur A1, A2, A3, A4 dhe A5 ( serb nga Gjilani) por papritmas kryetarja e këtij trupi Snezhana Nikoliq kumtoi se sot dhe nesër do të paraqiten dy dëshmitare të mbrojtura (C1 dhe C2)të nacionalitetit rom, gjithashtu nga komuna e Gjilanit. Avokatët mbrojtës reaguan menjëherë dhe kërkuan me këmbëngulje që gjyqi të shtyhet për nesër.
Trupi gjykues pas tërheqjes pesmbëdhjetëminutëshe megjithatë e pranoi kërkesën e palës mbrojtëse, dhe u tha se gjyqi do të vazhdojë nesër më 03 Nëntor 2009.



03 11 2009
Preshevë
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

EDHE DY DËSHMITARË TJERË, NUK THANË GJË

Vazhdoi dje në Gjyqin e Qarkut në Beograd gjykimi kundër nëntë shqiptarëve nga Presheva, të arrestuar më 26 Dhjetor 2008 e të akuzuar për KRIME LUFTE ndaj serbëve dhe joshqiptarëve të tjerë në Gjilan e rrethinë gjatë periudhës kohore nga mesi i Qershorit deri në fund të Tetorit të vitit 1999.

Ishte dita e dytë e dëshmitarëve, serbë nga Gjilani e Vitia. Ditën e pare (5 Tetor 2009) “Dëshmuan” Markoviq Sllavica dhe Mladenoviq Nenad të dy nga Vitia si dhe Simonoviq Milan nga qyteti i Gjilanit, që të tre jetojnë tani nëpër Serbi. Ditën e dytë (6 Tetor 2009) u paraqitën edhe dy dëshmitarë tjerë serb, Stevanoviq Predrag dhe Ristiq Dragan edhe këta dy nga Gjilani. Që të dy këta si edhe ata tre të parët nuk thane gjë prej gjëje, thjeshtë gjithçka i kishin të dëgjuara por assesi nuk kishin pare asgjë drejtëpërdrejt. Vetëm Ristiq Dragan tregoi se ishte dërguar në Koviktin e studentëve ku ishte mbajtur rreth një orë e gjysmë dhe pastaj ishte lëshuar pa u malltretuar fare. Pas tij Avokatët mbrojtës, pasi dorëzuan dokumentacionin e shumtë argumentues, kërkuan ndërprerjen e paraburgimit për që të nëntë të burgosurit. Trupi gjykues pas dhjetë minutash tërheqjeje konstatoi se nuk do të lejohet një gjë e tillë.

Gjatë kësaj dite kërkuan fjalën edhe AGUSH MEMISHI, FATON HAJDARI, SAMET HAJDARI, NAZIF HASANI, AHMET HASANI dhe SELIMON SADIKU. Ata vërtetuan se ky është tërësisht një proces i montuar politik, se gjithçka është e rrejshme, se dëshmitari bashkëpuntorë “Bozhuri 50” (shqiptarë nga Presheva) është gënjeshtar dhe hajdut i madh, se edhe atyre i kanë ofruar të bëhen dëshmitarë të tillë, ATA thjeshtë kësaj radhe ishin edhe më bindës se në paraqitjen e tyre të parë.


Gjykimi, u tha se do të vazhdojë më 2 Nëntor 2009 me dëshmitarë të tjerë.



07 10 2009
LKSH
Orhan rexhepi

Ka vazhduar Gjykimi ndaj pjesëtarëve të “Grupit të Gjilanit” me dëgjimin e dëshmitarëve të parë

Gjykimi ndaj pjesëtarëve të “Grupit të Gjilanit” të Ushtrisë Çlirimtare të Kosovës ka vazhduar sot me dëgjimin e dëshmitarëve të parë në procedim. Gjatë dy javëve të kaluara të gjithë të akuzuarit para Kolegjit për krime të luftës të Gjykatës së qarkut në Beograd janë deklaruar për aktakuzën duke e mohuar se kanë marr pjesë në krime në territorin e komunës së Gjilanit në periudhën nga qershori deri në fund të Dhjetorit të viti 1999. Përveç nëntë të akuzuarve të cilët nga 23 Shatori po gjykohen në Beograd, për krime ndaj civilëve serb dhe joshqiptarëve tjerë, sikurse dhe disa shqiptarëve, janë të akuzuar 17 pjesëtarë të ish UCK nga të cilët tetë janë në arrati dhe do të dënohen në mungesë

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

TRE DËSHMITARËT E PARË TË DËSHTUAR

Prokuroria për Krime Lufte, në Gjyqin e Qarkut në Beograd ka vazhduar dje (5 Tetor 2009) me fazën e dytë të gjykimit kundër nëntë, përkatësisht shtatëmbëdhjetë shqiptarëve të Luginës së Preshevës, të akuzuar për Krime Lufte kundër serbëve dhe joshqiptarëve të tjerë në rrethinën e Gjilanit të quajtur si “Grupi i Gjilanit” kinse ish-pjestarë të UÇK-së.
Janë paraqitur tre dëshmitarët e pare serb, dy nga rrethina e Vitisë dhe një nga qyteti e Gjilanit. Gjatë pesë orëve ata erdhën shumë here në kundërshtim me vetëvehten saqë edhe nuk dinin të dalin fare nga situatat në të cilat i sollën avokatët mbrojtës saqë njëri, një ish-polic në rrethinën e Vitisë i cili u ngatërrua shumë me datat e vitit 1999, pas pyetjes së njërit nga avokatët se cila ishte data e ditës së djeshme ai u përgjegj: i nënti gjashti (deveti shesti) edhepse ishte pesë Dhjetor.
Ata folën se vetëm kishin dëgjuar për ngjarjet e caktuara por asnjëher nuk kishin pare asnjë të tillë drejtëpërdrejt.

Nesër, u tha se do të jenë edhe dy dëshmitarë të tjerë.

06 10 2009
LKSH
Orhan Rexhepi

LËVIZJA KOMBËTARE SHQIPTARE
Albanian National Movement
orhan_rexhepi@live.com
Preshevë

 NËNTË TË AKUZUARIT:  E TËRË AKTAKUZA MONTIM I RËNDË

        Sot, 30 Shtator 2009, kanë përfunduar me deklaratat e tyre mbrojtëse të nëntë të akuzuarit shqiptarë nga lista e shtatëmbëdhjetë të rradhiturëve në AKTAKUZË të cilën e ka ngritur Prokuroria për Krime Lufte e Republikës së Serbisë.

       Në datën 23 Shtator 2009, në Gjyqin e Qarkut në Beograd ka filluar procesi gjyqësor kundër këtyre shtatëmbëdhjetë shqiptarëve të Luginës së Preshevës të quajtur si “GRUPI I GJILANIT”, kinse ish-pjestarë të UÇK-së nën akuzën se kanë kryer krime lufte kundër 51, përkatësisht 59, përkatësisht 80 serbëve dhe jo-shqiptarëve të tjerë në Gjilan e rrethinë.

       Para kësaj Gjykate u nxorrën,së pari AGUSH MEMISHI, më 24, 25 dhe 28 Shtator, mandej FATON HAJDARI po më 28 Shtator, AHMET HASANI më 28 dhe 29 Shtator, NAZIF HASANI më 29 Shtator kur edhe iu përkeqësua gjendja shëndetësore e që së bashku me SAMET HAJDARIN, FERAT HAJDARIN, KAMBER SAHITIN, SELIMON SADIKUN dhe BURIM FAZLIUN e kryen sot më 30 Shtator.

       Të nëntë këta djem nga Presheva hodhën poshtë çdogjë të shkruar në AKTAKUZË si fundekrye të rrejshme, të montuar dhe të improvizuar. ATA në mbojtjen e tyre, që në paraqitjen e parë nxorrën në pah se ky është tërësisht një process i montuar politik. ATA para trupit gjykues serb treguan për BRUTALITETIN e pashembullt e çnjerëzor të njësive speciale të xhandarmërisë serbe të ushtruar ndaj tyre dhe familjeve të tyre.

   Gjyqi kundër tyre vazhdon të Hënën, 5 Tetor 2009, me paraqitjen e dëshmitarëve të pare.

30 Shtator 2009

LKSH

Orhan Rexhepi

NAZIF HASANIT I PËRKEQËSOHET GJENDJA SHËNDETËSORE, NDËRPËRITET GJYKIMI PËR SOT


Sot më 29 Shtator 2009 në Gjyqin e Qarkut në Beograd ka vazhduar gjykimi kundër nëntë, përkatësisht shtatëmbëdhjetë djemëve shqiptarë që akuzohen për krime lufte ndaj serbëve dhe joshqiptarëve të tjerë të cilët janë arrestuar më 26 Dhjetor 2008 nga ana e xhandarmerisë serbe, në mënyrën më brutale të mundshme.
Ahmet Hasani ka përfunduar fjalën e tij mbrojtëse duke e hedhur poshtë çdo gjë që shkruan në AKTAKUZË. Ai tha se dëshmitarin bashkëpuntorë “Bozhur 50” (shqiptarë nga Presheva) nuk e njeh fare prandaj edhe çdo gjë që ka thënë ky dëshmitarë në deklaratën e tij është një gënjeshtër e madhe. Pastaj para Gjykatës është nxjerrur Nazif Hasani, të cilit pas rreth një orë e gjysmë mbrojtjeje iu është përkeqësuar gjendja shëndetësore dhe Gjykatësja është detyruar të ndërprejë sencën gjyqësore. Besohet se pas kontrollit dhe intervenimit mjekësor, nesër do të vazhdojë gjykimi.

 

EDHE FATON HAJDARI QENDRON FORTË PARA GJYKATËS SERBE

Prokuroria për Krime Lufte e Republikës së Serbisë, Gjyqi i Qarkut në Beograd ka vazhduar dje (28 Shtator 2009) gjyqin kundër nëntë, përkatësisht shtatëmbëdhjetë shqiptarëve të Luginës së Preshevës të quajtur si “Grupi i Gjilanit” kinse ish-pjestarë të UÇK-së. Para kësaj Prokurorie pas Agush Memishit është nxjerrur Faton Hajdari. Ai ka dhënë përgjigje të forta dhe fundekrye të argumentuara, ka hedhur poshtë AKTAKUZËN si krejtësishtë të rrejshme. Edhe për Fatonin dëshmitari bashkëpuntorë “Bozhur 50”(shqiptarë nga Presheva) ka qenë dhe është një hajdut e manipulant dhe gënjeshtar i pashoq dhe i pashembullt. Ai gjithashtu ka sqaruar gjërë e gjatë për brutalitetin çnjerëzorë të ushtruar ndaj tij nga ana e xhandarmerisë, policisë si dhe gardianëve në Burgun qendëror të Beogradit.

Gjyqi mëpastaj ka vazhduar me Ahmet Hasanin. Ai do të merret në pyetje edhe sot.
 

LKSH – Agush Memishi i pari para gjykatës serbe, prokuroria dështon para fakteve

Dje e pardje, në Gjyqin e Qarkut në Beograd nga ana e Prokurorisë për krime lufte ka vazhduar procesi gjyqësor kundër nëntë, përkatësisht shtatëmbëdhjetë të akuzuarve shqiptarë nga Presheva e Bujanoci.
I pari para trupit gjykues është paraqitur Agush Memishi i cili është marrë në pyetje rreth shtatë orë. Ai gjatë FJALËS së tij me argumente të njëpasnjëshme dëshmoi fuqishëm se AKTAKUZA është krejtësisht politike dhe fundekrye e rrejshme. AGUSHI së bashku me Avokatët mbrojtës hodhi poshtë sidomos “RRENAT E RËNDA ASTRONOMIKE” të dëshmitarit të mbrojtur “Bozhur 50” (shqiptarë nga Presheva). Ai kah fundi i fjalës së tij krijoji situate krejtësisht të re saqë tashmë edhe vet Prokurori erdhi në pozitë për t’u mbrojtur para Avokatëve mbrojtës.

Të hënën vazhdon gjykimi.