LDI nuk voton për Planin lokal për refugjatët serb në Medvegjë

Të mërkurën e kaluar, me 25 shkurt 2009, Kuvendi Komunal i Medvegjës mbajti seancën e pestë të rregullt me 19 pika të rendit të ditës.
Në seancë morën pjesë tre Këshilltarët e LDI-së.
Këta përfaqesues të shqiptarëve të Medvegjës nuk u pajtuan me raportin e Radio Medvegjës por kërkuan zgjërim të programit në gjuhën shqipe. Njëherit kërkuan qe të shtohet numri i librave të bibliotekës në gjuhën shqipe i cili numër kapë tani shifrën prej afro tremije njesishe bibliotekiste, prej afro tridhjet e shtatë mije sa ka gjithësejt kjo biblioteke.

Po kështu përfaqësuesit e LDI-së nuk u pajtuan që në këtë kohë të krizës globale financiare të shtohen taksat për shërbime komunale në KK të Medvegjës, duke pasur parasyshë situatën edhe kështu të rëndë ekonomike të popullatës së këtyre trojeve.
Nuk dhanë pëlqemin e tyre as për Planin lokal për të zhvendosurit serb në komunën e Medvegjës, sepse ky Kuvend në mënyre diskriminuese po vepron ndaj shqiptarëve të zhvendosur nga kjo komune.

Edhe pse e vleresuan si program human, votuan kundër tij deri sa të mos bëhet Plan i krijimit të kushteve edhe për të zhvendosurit shqiptar të Medvegjës.
Kuptohet se për të gjitha këto qështje Këshilltarët e LDI-së u mbivotuan dhe të gjitha ato dokumente u aprovuan me makinerine e votimit, por, pa votën dhe pëlqimin e tyre.

Medvegjë, 02 mars 2009
Prof.Rexhep Abazi,kryetar dhe këshilltar i LDI-se, Medvegjë