Komisioneri i lartë i OSBE-së për pakica vizitoi Bujanocin

Gjatë të martës në Bujanoc ka qëndruar një delegacion i lartë i OSBE-së në krye me Komisionerin e lartë të OSBE-së për pakica, diplomatin norvegjez Knut Vollebeak. Vizita e djeshme ishte e aranzhuar nga Misioni i OSBE-së në Beograd, Ambasadori Hans Ole Urstad.

Komisioneri Vollebek, në takimin e relaizuar me deputetin Riza Halimi, kryetarin e Komunës së Bujanocit Shaip Kamberi, atë të preshevës Nadër Sadiku dhe dy kryetarët e Kuvendeve të këtyre komunave z. Jonuz Musliu dhe Ragmi Mustafa u interesua për situatën e përgjithshme ne Luginë të preshevës, realizimin e të drejave të pakicave sipas standardeve të brendshme por edhe standardeve ndërkombëtare të përmbajtura në Konventat e Këshillit të Europës.

Në agjendën e interesimit të tij ishte edhe çështja e mosnjohjes së diplomave që pas 17 shkurtit të vitit 2002 lëshohen nga Universiteti i Prishtinës dhe mundësia e hapjes një një apo dy fakulteteve në gjuhën shqipe me seli në Bujanoc dhe Prehsevë.

Komisioneri i OSBE-së premti një vizitë të radhës e cila duhet të realiohet sa më shpejt në Lginë të Preshevës, qëllimi i së cilës është të japë përgjigje konkrete në çështjet e hapura në rajon.

Shërbimi për informim i komunës së Bujanocit