Shoqatat e  Kosovës Lindore, në gjetje të mundësive për unitet në diasporë

Cyrih, 25 janar - Duke e parë situatën politike, ekonomike dhe sociale, që po i përballon me shumë vështirësi, Presheva, Bujanoci dhe Medvegja, bashkatdhetarët tanë, të organizuar me shoqata humanitare, fonde dhe organizata tjera jo qeveritare, po mundohen të gjejnë mundësi uniteti për të intervenuar në këto situata emergjente që kërkohen në këto momente shumë dramatike që po i kalon Presheva, Bujanoci dhe Medvegja. Pas arrestimeve të fundit dhe arrestimit të aktivistit të palodhur z.Nazmi Hajredinit, diaspora jonë, po mundohet të gjejë mundësi veprimi sa më të shpejtë, për të mirën e atdheut. Kështu, mbrëmë në Cyrih, ishin mbledhur disa nga shoqatat dhe disa nga intelektualët e tre komunave të Preshevës, Bujanocit dhe Medvegjës, për të bashkëbiseduar dhe për të mundësuar veprime më konkrete, sa nuk është bërë vonë. Kryetari i Akademive përkujtimore z.Murat Avdiu, nënkryetari i shoqatës humanitare „Lugina e Preshevës“, z.Fazli Musliu, kishte ftuar të gjitha shoqatat që veprojnë në Zvicër dhe shumë intelektualë, në këtë konsultim emergjent, por kësaj radhe kishin ardhur vetëm disa nga të ftuarit, si ish komandant i UçPMB-së Shefket Hasani, i cili edhe përfaqësoi veteranët e luftës të UçPMB-së për Zvicër, z.Ahmet Hasani anëtarë i kryesisë së shoqatës humanitare „Lugina e Preshevës“, Xhelal Mehmeti kryetar i Fondit humanitar të Kosovës Lindore, së bashku me arkatarin e këtij fondi z.Adnan Imeri, Shaip Bajrami kryetar i shoqatës humanitare „Lugina e Preshevës“, Dashnim Hebibi, publicist, Besnik Hebibi fotoreporter dhe njëherit gazetar i revistës VIP Press, e në përkrahje të shoqatës humanitare „Medvegja“, me seli në Fully të Valisit, e kryesuar nga z.Zenel Neziri, por për pamundësi që të prezentojnë, por janë dakord, me gjithçka që të vendoset në këtë konsultim emergjent, u vendos pas dy orë konsultimi, që të formohet një Këshill organizativ për themelimin e një lidhjeje inicuese për gjetjen e formave të avancuara demokratike për organizimin e diasporës shqiptare nga Kosova Lindorenë  dhe unanimisht, Fondi humanitar „Kosova Lindore“, shoqata humanitare „Lugina e Preshevës“ dhe në bashkëpunim me shoqatën humanitare „Medvegja“, janë për, që të organizohen për një muaj solidariteti për situata emergjente humanitare në Kosovë Lindore. Por, gjithashtu, u vendos, se janë të hapur edhe shoqatat tjera që veprojnë të Kosovës Lindore në Zvicër, në bashkëpunim me këtë nismë. Gjatë këtij takimi, nuk anashkaloi edhe situata më e re, që kaloi Presheva, me arrestimet e fundit dhe familjet e të arrestuarëve të pafajshëm janë në gjendje të rëndë ekonomike dhe që disa familje edhe janë shpërngulur për në Kosovë, si dhe situata në Medvegjë. Takimi i radhës, por në një formë më masovike, do të jetë pas dy javësh dhe me këtë rast, janë të ftuar, të gjithë bashkatdhetarët e Kosovës Lindore, që mendojnë, se munden të kontribuojnë në këto situata të rënda që po i kalon atdheu ynë. Por, për më shumë, se ku, kur dhe në cilën ditë saktësisht, do të njoftoni në ditët në vazhdim.

Përgatiti: Dahest Luma/INA, St.Gallen