Urime me rastin e 17-vjetorit të mbajtjes së Referendumit për Autonomi politike e teritoriale me të drejtë bashkimi me Kosovën, me 1 e 2 mars 1992


Partisë për Veprim Demokratik,
Riza Halimi, kryetar
Preshevë

Partisë Demokratike Shqiptare,
Ragmi Mustafa, kryetar
Preshevë

Bashkimi Demokratik i Luginës,
Skënder Destani, kryetar,
Preshevë

Kryesia e Shoqatës së Qytetarëve të Luginës së Preshevës në Kosovë, me seli në Prishtinë, në mbledhjen e mbajtur më 28 shkurt 2009, mori vendimin që me rastin e 17 vjetorit të mbajtjes së Referendumit për Autonomi Politike e Territoriale me të drejtë bashkimi me Kosovën, e mbajtur me 1 e 2 Mars 1992, në emër të qytetarëve të Luginës së Preshevës që jetojnë, punojnë dhe veprojnë në Kosovë, gjithë qytetarëve të Luginës së Preshevës të iu urojnë realizimin e synimeve shekullore në ndërtimin e jetës më të mirë në liri, barazi, paqe e prosperitet dhe sendërtimin e qëllimeve të shprehura e vullnetit të popullit gjatë mbajtjes së Referendumit. Dhashtë Zoti që dëshirat e popullit shqiptar të kësaj treve – Preshevë, Bujanoc dhe Medvegjë të realizohen edhe në fusha tjera të zhvillimit të rrjedhave ekonomike, arsimore, shëndetësore dhe shumë çështjeve tjera jetike të këtij populli që jeton, punon dhe vepron këtu.

Prishtinë, 28 shkurt 2009
Shoqata e Qytetarëve të Luginës së Preshevës në Kosovë

Hasan Emërllahu, kryetar