Fillon viti i ri shkollor 2009 - 2010

Janë bërë të gjitha përgatitjet e duhura për fillimin e vitit të ri shkollorë 2009- 2010, kështu deklaroi kryetari i aktivit të drejtorave të shkollave fillore dhe të mesme të komunës së Preshevës, Telat Arifi. Në mbledhjen e mbajtur me udhëheqësit e institucioneve arsimore janë disktura orët e tepërta dhe të mangëta të mësimdhënësve. Nga kjo mbledhje është marrë qëndrim që tani e tutje të bëhet plotësimi i orëve mësimdhënësit që punojnë me normë jo të plotë e që janë me marrëdhënie të rregullt pune. Në kuadër të mbledhjes në fjalë është diskutuar edhe për anulimit e konkurseve të shpallura nëpër shkolla në afatin prej 60 ditë. Pika që ka pasur më tepër debate dhe pakënaqësi ka qenë përdorimi i teksteve shkollore. Sipas zotit Arifi në mbledhjen e aktivit të drejtorëve të shkollave fillore dhe të mesme është marrë qëndrimi që nxënësit e klasave të para në komunën tonë
të mësojnë me abetaren e Qamil Batallit dhe librin e leximit të Arif Demollit e jo me propozimet e deleguara nga minsitria e arsimit të Republikës së Serbisë. Për këtë çështje aktivi i drejtorëve do të dal edhe me një kumtesë publike në shenjë revolte për të kërkuar kompensimin e këtyre librave që do të blehen nga ana e prindërve.Në këtë takim është diskutuar edhe gjendja momentale e shkollave sa i përket furnizimit me lëndë djegëse dhe probleme të tjera. Gjatë ditës së sotme kryeshefi i drejtoratit për veprimtari shoqërore, Nexhmedin Ahmeti ka bërë edhe vendosjen e çantave me material shkollorë në një lokacion të shkollës fillore Ibrahim Kelmendi në Preshevë. Gjatë ditës së nesërme do të bëhet shpërndarja e 600 çantave për të gjithë nxënësit e klasave të para në komunën e Preshveës. Shërbimi i Trupit Koordinues për Preshevë, Bujanoc dhe Medvegjë në bashkëpunim me ministrinë e
arsimit kanë dedikuar edhe 3600 fletore, lapsa, numratore, ngjyra dhe pajisjet e tjera që janë të nevojshme për fëmijët fillestarë. Ndërsa gjatë ditës së nesërme sipas shërbimit të zyrës së Trupit Koordinues në Preshevës, ministri i vetëqeverisjes lokale Millan Markoviq do të bëjë shpërndarjen e çantave dhe materiale shkollore në mënyrë solemne në shkollat fillore Ibrahim Kelmendi dhe Vuk Karaxhiq. Kryetari i aktivit të drejtorëve të shkollave fillore dhe të mesme, Telat Arifi dhe kryeshefi i drejtoratit për veprimtari shoqërore, Nexhmedin Ahmeti të gjithë fillestarëve dhe shkollarëve të tjerë u uronë fillimin e vitit të ri shkollorë 2009- 2010.