Konferenca "Bashkëpunimi dhe zhvillimi ndërkufitar në mes të Kosovës, Shqipërisë, Serbisë dhe Malit të Zi"

Kryetari i komunës së Preshevës, Ragmi Mustafa po merr pjesë sot në Konferencën me temën “Bashkëpunimi dhe zhvillimi ndërkufitar në mes të Kosovës, Shqipërisë, Serbisë dhe Malit të Zi që po mbahet në Gjakovë. Ragmi Mustafa është i ftuar nga Forumi për bashkëpunim dhe zhvillim ndërkufitar që është organizuar nën patronatin e Kuvendit Komunal të Gjakovës. Në konferencën e sotme përveç përfaqësuesve të vendeve të rajonit do të prezantojnë edhe ambasadori amerikan, kroat dhe ai i Shqipërisë që janë të akredituar në Kosovë. Sipas rendit të ditës në takimin e sotëm do të prezantohen problemet e grumbulluara kohë më parë në lidhje me qarkullimin e lirë ndërkufitarë të njerëzve dhe mallrave në mes të shteteve fqinje. Gjatë takimit të përbashkët do të diskutohet edhe për gjetjen e mundësive për kapjen e donacioneve ndërkombëtare në realizimin e projekteve të përbashkëta ndërkufitare. Në Konferencën me temën “Bashkëpunimi dhe zhvillimi ndërkufitar në mes të Kosovës, Shqipërisë, Serbisë dhe Malit të Zi që po mbahet në Gjakovë po marrin pjesë edhe biznismen nga Presheva.



Kabineti i Kryetarit komunës Preshevë
Preshevë më 05.02.2010.
Muhamed Abdullahu