Azilantët do të kthehen nga Belgjika

Bruksel, 05 mars (presheva.com) - Kryeministri Serb Mirko Cvetkovic dhe ai Belg Iv Letern kanë arritur marrëveshje në Bruksel se dy shtetet do të bëjnë gjithçka që procesi i kthimit të azilantave të kryhet sa më shpejtë dhe të merren të gjitha masat që ky problem të mos përsëritet më.
Kryeministri Belg, Leterme tha se javën e ardhshme sekretari shtetëror për emigrim dhe azil Melkior Vatle do të vijë në vizitë në Preshevë dhe do të bisedojë me zyrtarët lokal për këtë problem.

"Belgjika është një shtet prosperitet, por nuk është parajsë, as Eldoradi, dhe nuk do të lejojë që të keqpërdoret sistemi social" tha Leterm, duke shtuar se me problemin e azilantave është njohtuar edhe komisioni Evropian dhe presidenti i saj Jose Manuel Baroso, dhe nga ata është kërkuar që të kyqen për ta zgjidhur këtë problem.