Dallimet gjenetike ndërmjet njeriut dhe minjëve

Minjtë kanë rreth 10 % më pak ADN se sa njerzit, kryesisht, sepse gjenomi njerzor ka më shumë sekuenca të cilat përsëriten. Gjenetikisht, njeriun është shumë vështirë ta dallosh nga miu, thonë shkenctarët.

Kromozomet e njeriut dhe ato të miut, me eksperimente që kanë bërë kompania "Celera Genomics", tregon se njeriu dhe minjtë përmbajnë shumë gjene të njejta. Shkenctarët shpresojnë se krahasimi i ADN njerëzore me ato të kafshëve tjera do të zbulojë se pse njerzit janë të veçantë. Duke ditur se shumë gjëra njihen mbi gjenetikën e minjëve, mbi të cilët bëhen shumë eksperimente laboratorike, mendojnë se gjenomika komparative do të mundësojë njohje më të mirë të biologjisë njerzore.

Richard Mural dhe një grup shkencëtarësh nga "Celera" krahasuan kromozomin e 16 të miut dhe 21 të njeriut. Këta dy kromozome janë zgjedhë pasi janë relativisht të vegjël dhe më të njohur. " Gjëja më interesante çka kemi gjetur është sasia e ngjajshmërisë gjenetike tek miu dhe njeriu" tha Neal Copeland, shkencëtar dhe specialist për gjenetikë nga Instituti nacional Amerikan për kancer.

Shkenctarët gjatë menduan se njeriu përmban mbi 100.000 gjene, por "Celera" vërtetoi se janë rreth 30.000, çka është shumë më pak se sa disa lloje të
bimëve.
"Sasia e ADN në organizëm nuk ka kurfarë ndikimi në faktorët të cilët ndikojnë në kompleksitetin e organizmit" tha Mural. Shkenctarët tani besojnë se gjenet nuk të vetmit pjesë të gjenomit, por edhe sekuencat të cilat përsëriten kanë një rol shumë me rëndësi në kontrollin e gjenit.

Celera në hulumtimet e veta saktësoi se minjtë në kromozomin e 16 kanë 731 gjene, të cilat 14 janë specifike për minjtë, kurse numri i gjeneve specifike për njerzit është 21. Në bazë të kësaj mund të konstatojmë se vetëm 2% e gjeneve të minjëve janë specifike për ta dhe rreth 2.9% gjene specifike për njerëzit. Një dallim i madh ndërmjet tyre është në gjenet të cilat kontrollojnë strukturat të quajtura "cink gishtat", të cilat kanë një rol shumë me rëndësi në rregullimin e gjeneve për çfarë dhe janë, dhe me siguri është çelës kryesor i procesit në të cilin minjtë kaluan dhe evoluan në lloje të ndryshme.

 by DritonS       

© 2002 Presheva.com