Konvulzionet Febrile (Comnvulsiones Febrilles)

Konvulzionet febrile janë sulme akute cerebrale, të cilat paraqiten te fëmijët prej lindjes deri në moshën 5 vjeçare. Çdo sëmundje qoftë infektive(bakteriale, virale, parazitale rikecijale) apo joinfektive (çrregullimet metabolike, dehidrimi) apo humbja e lëngjeve, mund të shkaktojnë temperaturë të lartë mbi 38-39 C0T dhe sulme cerebrale apo konvullzione febrile. Kjo nuk do të thotë se çdo fëmijë që ka temperaturë të lartë të ketë sulme, por varet prej konstitucionit të organizmit.

Këto sulme nuk janë shumë të rrezikshme aq sa e kanë pamjen klinike drastike para prindërve apo personave pranë fëmijës. Gjatë sulmit cerebral fëmija papritmas humbë vetëdijen, vërehet shtangimi i gjeneralizuar i muskulaturës, shikimi i shtanguar në kahje asimetrike, shtrëngimi i nofullave, me çrast fëmiu mund të kafshojë gjuhën dhe pështyn gjak të përzier me pështymë.

Çka duhet të veprohet?

Çdo prind apo person që gjendet pranë të sëmurit duhet të bëjnë atë çka mundet. Fëmija duhet të pastrohet me ujë të ftohtë dhe të shtrihet në pozitë horizontale me kokë të kthyer anash dhe të dërgohet te mjeku për t`iu ofruar ndihma mjekësore medikamentoze:

jepet Diazepam 0,2 mg për kg peshë, iv, për rektale, kurrsesi imuskulare pa efekte, parenterale. Antipiretikët 30 mg për kg peshë, parenterale, për os, për rektale. Antimikrobiotikët përkatës për çka dyshohet.

Prognoza: Rrjedhja e mëtutjeshme e konvulzioneve është e mirë vetëm 3-5% të rasteve mund të përsëritet. Preferohet që çdo fëmijë i cili ka konvulzione të përcillet nga prindërit që në temperaturat e larta mbi 38C0T ti vehet Rektiole prej 5 mg, në zorrë të trashë dhe të bëhet friksioni me ujë të ftohtë dhe zakonisht të dërgohet te mjeku.