Muzika, 'medikament' për reçetë!

Studiuesit nga Uni-Mozarteum Salzburg, me anë të proceseve elektrike në brendi të qelizave të mollës, kanë bërë të mundur dëgjimin e toneve të mollës. Ndryshimi në melodi (ton) vie nga rreziku- si dhe pse nuk din askush! P.sh. Molla reagon kur shpohet nga piruni.

Edhe njeriu reagon nga muzika. Pulsi, frekuenca e zemrës dhe potencialet elektrike në muskujt tregojnë më së miri efektet pozitive kur ndëgjojmë simfonitë e Mocartit.

Efekti-Mocart don të thotë se kujtesa e fëmijëve mund të përmirësohet me ndëgjimin e muzikës së Mocartit. Ky efekt ndoshta do të mund të jetë i njejtë edhe me veprat e klasikëve të tjerë, mirpo ka disa fenomene të tjera, që veprat e tij i bëjnë të shkëlqyera.

Hans-Ullrich Balzer: 'Muzika e Mocartit ka një 'ndërrim' shumë të mirë në mes të asaj që quhet Aktivizim dhe Deaktivizim, procese këto, që edhe në sistemet biologjike çdo ditë ndodhin. Nga kjo kuptohet se edhe një njeriu të shëndetshëm i duhen këto 'ndërrime'.'

Studimet moderne e cilësojnë njeriun si një sistem ku zhvillohen shumë procese ritmike. Rrahja e zemrës, metabolizmi ose shtypja e gjakut punojnë në mënyrë ritmike dhe synojnë më pas njëri - tjetrin të e rregullojnë. Muzika vepron drejtpërsëdrejti në tru, ku mundëson çlirimin e hormoneve që ne na bëjnë të lumtur, duke mënjanuar stresin dhe dhembjen. P.sh. muzika-techno për shumicën nënkupton gjithçka përveç çlodhjes, në ktë rast ata reagojnë në mënyrë stresante dhe me egërsi. Kjo dmth se ndëgjuesi me anë të muzikës ngrakohet aq shumë, sa që bie në një gjendje më të keqe, në krahasim me atë që ka qenë më parë.

Ndoshta më shumë se muzika Mocart do të thotë edhe mjeshtri i vjetër Carlos Santana i cili arrin të josh mijëra njerëz të kulturave dhe kombeve të ndryshme me muzikën e tij, çka ka për rezultat qetësinë dhe ndjenjën e kënaqësisë.
Gjithashtu dhe Samba si një zhanër shumë i larmishëm, tek e cila kemi ndërrime më të shpeshta të elementeve akt-dhe-deaktivizuese, vepron pozitiv tek njeriu, ndoshta më mirë se muzika-Mocart.

Jo vetëm molla ka melodinë e saj, mirpo i tërë organizmi i njeriut është i përshkuar nga melodi e ritme të ndryshme. Kardiologët britanik kanë bërë të mundur ndëgjimin e melodisë së zemrës.

Rrymat pulsative të gjakut që krijohen gjatë rrahjes së zemrës tingëllojnë si një kantatë e Johann Sebastian Bach-ut.

Senad Bajrami